नेत्रज्योति संघ तथा डिचेन डोङ्ला स्मारक आँखा उपचार केन्द्रको भवन स्तरोन्नति साथै प्रवलीकरणको काम सम्पन्न



ताप्लेजुङ । ताप्लेजुङस्थित नेपाल नेत्रज्योति संघ तथा डिचेन डोङ्ला स्मारक आँखा उपचार केन्द्रको भवन स्तरोन्नति तथा प्रवलीकरणको काम सम्पन्न भएको छ । नेपाल मेडिकल सपोर्ट जर्मनीको आर्थिक सहयोगमा ताप्लेजुङ विकास मञ्च नामक संस्थाले सदरमुकाम फुङ्लिङमा रहेको भवन स्तरोन्नति तथा प्रवलीकरणको काम गरेको हो ।

ताप्लेजुङ विकास मञ्चका अध्यक्ष सन्तोष प्रसाईंले भौतिक पूर्वाधारतर्फ नेत्रज्योतिको भवन स्तरोन्नति साथै प्रवलीकरणको काम सम्पन्न भएको बताउनुभयो । आर्थिक सहयोगदाताको रुपमा रहेको संस्था नेपाल मेडिकल सपोर्ट जर्मनीले दुई चरणमा उपलब्ध गराएको कुल रकम भ्याटसहित ८८ लाख ११ हजार ६५२ रुपियाँको लागतमा भवन निर्माणको काम सम्पन्न गरिएको अध्यक्ष प्रसाईंले जानकारी दिनुभयो ।

उहाँकाअनुसार पहिलो चरणमा ७१ लाख नौ हजार २४५ रुपियाँ र दोस्रो चरणमा १७ लाख दुई हजार ४०७ रुपियाँ नेपाल मेडिकल सपोर्ट जर्मनीले थप रकम उपलब्ध गराएको थियो । भवन स्तरोन्नति तथा प्रवलीकरणका लागि २०७९ साल असोजमा योजना सम्झौता गरी माघदेखि काम सुरु गरिएको र दोस्रो चरणको बजेट समेतबाट २०८० पुस १ गतेभित्र काम सम्पन्न गरिएको उहाँले जानकारी दिनुभयो ।

मञ्चले स्तरोन्नति तथा प्रवलीकरणको काम सम्पन्न भएसँगै नेत्रज्योति संघलाई भवन हस्तान्तरणको तयारी गरिहेको जनाएको छ । नेत्रज्योति संघद्वारा सञ्चालित डिचेन डोङ्गला स्मारक आँखा उपचार केन्द्रको आवश्यकताअनुसार भवनको स्वरुप (डिजाइन) तयार गरी निर्माणको काम गरेको पनि मञ्चले जानकारी दिएको छ ।

भवनको आवश्यक कोठा, छाना र महिला–पुरुष तथा अपांगमैत्री छुट्टा–छुट्टै शौचालयसहित संरचना निर्माण गरिएको पनि अध्यक्ष प्रसाईंले जानकारी दिनुभयो । भवन निर्माणको अगुवाई गरेको संस्था ताप्लेजुङ विकास मञ्चले बुधबार सदरमुकाम फुङ्लिङमा सार्वजनिक सुनुवाई गरी संरचना निर्माण, कामको प्रक्रिया र खर्चको अवस्था सार्वजनिक गरेको छ ।

प्रकाशित मिति : १८ पुष २०८०, बुधबार १३:००

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र