बिष्फोटक पदार्थको ओसारपसार बिरुद्ध ताप्लेजुङ प्रहरीको कडाई

ताप्लेजुङ । चाडपर्वका समयमा हुन सक्ने अप्रिय घटनालाई मध्यनजर गर्दै जिल्ला प्रहरी कार्यालय ताप्लेजुङले बिष्फोटक पदार्थको ओसारपसार तथा प्रयोगको निगरानीमा कडाई गर्न सुरु गरेको छ ।

जिल्ला प्रहरी कार्यालय ताप्लेजुङका प्रहरी उपरिक्षक (डिएसपी) राजन लिम्बुले प्रहरीले बिशेष सुरक्षा योजना अघि सार्दै चाडपर्वका समयमा पटका,भुईचम्पा र आतिशबाजी लगायतका बिष्फोटक पदार्थको ओसारपसार तथा प्रयोग हुन नदिन कडाई गरिएको जानकारी दिए ।

उनले यस्ता बिष्फोटक पदार्थको ओसारपसार बिरुद्ध ताप्लेजुङ प्रवेश गर्ने नाकाहरुमा चेकजाँचमा कडाई गरिएको बताए । निगरानीका लागि शादा पोशाकमा प्रहरी परिचालन गरिएकोले लुकिछिपी निषेधेती विष्फोटक पदार्थ ओसारपसार तथा प्रयोग गरिएको पाईए कारबाही गर्ने डिएसपी लिम्बुले बताए ।

दिपावलीको समय सुरु हुन लागेकोले सम्भावित आगलागी साथै अन्य दुर्घटनामा सावधानी अपनाउन प्रहरीले सर्वसाधारणलाई आग्रह गरको छ ।