ताप्लेजुङ गोल्ड कप : रेडहर्ष इलाम फाइनलमा प्रवेश



ताप्लेजुङ । रेडहर्ष फुटबल क्लब इलाम फुङलिङमा जारी प्रथम ताप्लेजुङ गोल्डकपको फाइनलमा प्रवेश गरेको छ । मंगलबार सम्पन्न भएको अन्तिम सेमिफाइनल खेलमा रेडस्टार फुटबल क्लब बिर्तामोड झापालाई ट्राईबेकरमा ५–४ गोलअन्तरले पराजित गर्दै इलाम उपाधि नजिक पुगेको हो ।

निर्धारित समयावधिमा दुवै टीमले १–१ गोलको बराबरी खेलेसँगै खेल ट्राइबेकरमा धकेलिएको थियो ।  खेलको १५ औँ मिनेटमा इलामको आशिष राईले पहिलो गोल गर्नुभएको थियो ।

त्यस्तै ७५ औँ मिनेटमा झापाबाट खेल्नु भएका नाइजेरियन खेलाडी जोन ग्लोरीले गोल गरेसँगै खेल बराबरीमा फर्किएको हो । अब इलामले उपाधिका लागि भोलि जुट विकास फुटबल एकेडेमी सुनसरीसँग प्रतिष्पर्धा गर्नेछ । सुनसरीले हिजो सेमिफाइनलमा पथरी ११ फुटबल क्लब मोरङलाई ट्राइबेकरमै ५–४ गोलअन्तरले पराजित गर्दै फाइनलको यात्रा तय गरेको हो ।

गोल्ड कपको विजेताले नगद ३ लाख ११ हजार १ सय ११ रुपैयाँ प्राप्त गर्दा उपविजेताले भने १ लाख ५१ हजार १ सय ११ रुपैयाँमा चित्त बुझाउनेछन् । दुवै टिमलाई ट्रफी, मेडल तथा प्रमाण–पत्रको समेत व्यवस्था गरिएको आयोजक लाखेजात्रा सञ्चालन समिति ताप्लेजुङले जनाएको छ । जिल्ला फुटबल संघको प्राविधिक सहयोगमा जारी खेलमा ८ टिमको सहभागिता रहेको थियो ।

प्रकाशित मिति : १९ भाद्र २०८०, मंगलवार १३:४३

मालपोत कार्यालय ताप्लेजुङको राजस्व झन्डै एक करोडले बढ्यो

ताप्लेजुङ  । मालपोत कार्यालय ताप्लेजुङको राजस्व झन्डै एक करोड रुपियाँले

एक वर्षमा दुई लाख १७ हजार बढी भक्तजनले गरे पाथीभराको दर्शन

ताप्लेजुङ । ताप्लेजुङ स्थित प्रसिद्ध तीर्थस्थल पाथीभरा मन्दिरमा एक वर्षको

एक वर्षमा पाथीभरा मन्दीरमा तीन करोड ११ लाख बढी भेटी सङ्कलन

ताप्लेजुङ । ताप्लेजुङ स्थित प्रसिद्ध तीर्थस्थल पाथीभरा मन्दिरमा एक वर्षको

ताप्लेजुङ गोल्डकपमा टिकट बिक्री गर्न बोलपत्र आव्हान

ताप्लेजुङ । तेस्रो अन्तराष्ट्रिय आमन्त्रित ताप्लेजुङ गोल्डकपमा टिकट बिक्री गर्न

ताप्लेजुङको थाक्पु खोलामा आएको बाढीले बगाएर अवरुद्ध भएको उत्तर दक्षीण लोकमार्ग सञ्चालनमा आयो

ताप्लेजुङ । ताप्लेजुङको थाक्पु खोलामा आएको बाढीले बगाएर अवरुद्ध भएको