मिक्वाखोला गाउँपालिकामा उपाध्यक्ष खुला ब्याडमिन्टन प्रतियोगिता सम्पन्न



ताप्लेजुङ । ताप्लेजुङको मिक्वाखोला गाउँपालिकामा उपाध्यक्ष खुला ब्याडमिन्टन प्रतियोगिता सम्पन्न भएको छ । गाउँपालिकाको प्रशासकीय केन्द्र साँवा थलङमा बुधबार सुरु भएको प्रतियोगिता बिहीबार राति अबेर सम्पन्न भएको हो ।
प्रतियोगिताको पुरुष डबल सिनियर ‘ए’, तर्फ दीपेन गुरुङ र मिलिन गुरुङको जोडी प्रथम र नवीन सिलवाल र चाणक्य पाठकको जोडी द्वितीय भएको छ । पुरुष डबल सिनियर ‘बी’, तर्फ भने अनिस लावती र विपीन सेडाइँको जोड तथा मिहाङ राई र जुनुन राईको जोडी क्रमशः प्रथम र द्वितीय भएको छ ।
यस्तै कर्मचारीतर्फ मिङ्मा शेर्पा र डिकबहादुर राउतको जोडीले प्रथम तथा मचिन्द्र लिम्बू र विवस लिम्बूको जोडीले द्वितीय स्थान हासिल गरेको छ । त्यसैगरी भेट्रान्स ९४५ वर्षमाथि० समूहतर्फ मानबहादुर पालुङ्वा र भूपाल रानाको जोडी प्रथम तथा राम नेयोङ र नरेन्द्र इधिङ्गोको जोडी द्वितीय भएको छ ।
प्रतियोगिताका बिजेता र उपबिजेताले क्रमशः पुरुष डबल सिनियर ‘ए’ ४५ हजार र ३० हजार रुपियाँ, सिनियर ‘बी’ तर्फ ३५ हजार र २५ हजार रुपियाँ, कर्मचारीतर्फ ३५ हजार र २५ हजार तथा भेट्रान्सतर्फ २० हजार र १५ हजार रुपियाँ नगद पुरस्कारसहित ट्रफी, मेडल र प्रमाणपत्र पाएका छन् । पुरुष डबल सिनियर ‘ए’ र ‘बी’ तर्फ क्रमशः ७ र २४ टोली, कर्मचारीतर्फ १६ र भेट्रान्सतर्फ ६ टोली (जोडी) को सहभागिता रहेको थियो ।
यता प्रतियोगिताका विजेताहरुलाई मिक्वाखोला गाउँपालिका अध्यक्ष भक्तबहादुर कार्की र उपाध्यक्ष डण्डु लामाले पुरस्कार तथा ट्रफी, मेडल र प्रमाणपत्र वितरण गर्नुभएको थियो । प्रतियोगिता मिक्वाखोला गाउँपालिकाले आयोजना गरेको हो ।

प्रकाशित मिति : १७ चैत्र २०७९, शुक्रबार १३:२०

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र