ताप्लेजुङ । ‘तमु ल्होसार म्याराथन २०७९’ सम्पन्न भएको छ । आज सम्पन्न भएको उक्त म्याराथनमा पुरुष तर्फ फक्ताङलुङ गाउँपालिकाका दिवश लिम्बू र महिला तर्फ मिक्वाखोला गाउँपालिकाकी पेम्बा ल्हामु शेर्पाले उपाधि हात पारेका हुन् ।
पुरुष तर्फ लिम्बू निर्धारित दूरी १ घण्टा १५ सेकेन्डमा पार गरेका हुन् भने महिला तर्फ शेर्पाले ५३।५१ मिनेटमा पार गरेकी थिइन् ।
पुरुष तर्फ द्वितीय, तृतीय र चौथो क्रमशः फक्ताङलुङका सुगम पतंवा, मैवाखोलाका दिपेन्द्र सुजी र फक्ताङलुङका छत्र बहादुर कार्की भएका छन् । महिला तर्फ द्वितीय, तृतिय र चौथो क्रमश फुङलिङकी आरती गुरुङ, मिक्वाखोलकी ङिमाजाङ्मु शेर्पा र मिक्वाखोला कै छिरिङ डोमा शेर्पा भएका छन् ।
पुरुष तर्फको दौडमा सदरमुकाम स्थित भीमकाली गुल्मको मैदानदेखि सुकेटार र सुकेटारबाट पुनः गुल्मसम्म २१ किलोमिटर दुरी पार गर्नुपर्ने थियो । यस्तै महिलाको दौडमा गुल्मदेखि फु।न।पा। ६ स्थित निङ्मा छ्योखोर्लिङ गुम्बा पुगेर पुन गुल्म सम्मको करिब ९ किलोमिटरको दुरी पार गर्नु पर्ने थियो ।
पुरुषतर्फका दोश्रोले १ घण्टा १८ मिनेट, तेस्रोले १ घण्टा १९ मिनेट र चौथोले १ घण्टा २० मिनेटमा उक्त दूरी पार गरेका थिए । महिलातर्फका दोश्रो ५६ मिनेट ५१ सेकेन्ड, तेश्रो ५९ मिनेट सेकेन्ड र चौथोले १ घण्टा १ मिनेटमा दूरी पार गरेका थिए ।
पुरुषतर्फको प्रथम हुनेले पुरस्कार नगद १२ हजार सहित प्रमाणपत्र प्राप्त गर्नेछन् भने दोस्रो, तेस्रोले क्रमश नगद ८ हजार सहित प्रमाण पत्र,५ हजार सहित प्रमाणपत्र प्राप्त गर्नेछन् ।
महिलातर्फको प्रथम हुनेले नगद ८ हजार सहित प्रमाणपत्र प्राप्त गर्दा दोश्रो, तेस्रो हुनेले क्रमश नगद ४ हजार सहित प्रमाणपत्र र नगद ३ हजार सहित प्रमाणपत्र प्राप्त गर्नेछन् ।
प्रतिक्रिया