सिदिङ्वा गाउँपालिका–२ सादेवाको सार्वजनिक सुनुवाइ आज 

ताप्लेजुङ, असार २७ गते । ताप्लेजुङको सिदिङ्वा गाउँपालिकाले आज चालु आर्थिक वर्ष २०८२–८३ को अन्तिम चौमासिक अवधिको सार्वजनिक सुनुवाइ गर्ने भएको छ ।

गाउँपालिका प्रमुख प्रशासकीय अधिकृत प्रमेश सिवाका अनुसार सार्वजनिक सुनुवाई सिदिङ्वा–२ सादेवास्थित वडा कार्यालयमा आयोजना गरिने भएको हो । सिदिङ्वा–६ मेहेलेमा यस अघि नै सार्वजनिक सुनुवाइ गरिसकेको छ ।

गाउँपालिका अध्यक्ष मानबहादुर राई, उपाध्यक्ष कृष्णकुमारी कडरिया (बन्दना), प्रमुख प्रशासकीय अधिकृत सिवा, पालिकाका वडाध्यक्षहरू, विषयगत शाखाका प्रमुखहरू र पालिका मातहतका निकायका प्रमुखहरूले जनताले उठाएका सवाल, राखेका गुनासाहरूको जवाफ दिने गरी सार्वजनिक सुनुवाइ कार्यक्रमको आयोजना गरिएको पालिकाका प्रशासन शाखा प्रमुख तीवेन्द्र अधिकारीले जानकारी दिनुभयो ।