ताप्लेजुङ, माघ १० गते । ताप्लेजुङको मेरिङदेन गाउँपालिका–६ नाल्बुमा पुरुष तथा महिला फुटबल प्रतियोगिता सञ्चालन हुने भएको छ । आगामी माघ २५ गतेदेखि स्वा.सुक बहादुर नाल्बो स्मृति खेल मैदानमा प्रतियोगिता सञ्चालन हुने भएको हो ।
नाल्बो लिम्बू समाज मेरिङदेन–६ नाल्बुको आयोजनामा सञ्चालन हुन लागेको उक्त प्रतियोगिता अन्तरगत पुरुष फुटबलमा प्रथम हुने टिमले नगद दुई लाख १ हजार १११ रुपियाँसहित ट्रफी, मेडल र प्रमाण पत्र प्राप्त गर्ने छन् । यस्तै दोस्रो हुने टिमले नगद एक लाख १ हजार १११ रुपियाँसहित ट्रफी, मेडल र प्रमाण पत्र प्राप्त गर्ने आयोजक नाल्बो लिम्बू समाजका सचिव योगेन नाल्बोले जानकारी दिनुभएको छ ।
उहाँका अनुसार महिला तर्फ प्रथम हुनेले नगद ५१ हजार रुपियाँसहित ट्रफी, मेडल र प्रमाण पत्र प्राप्त गर्दा दोस्रो हुने टिमले नगद ३१ हजार रुपियाँसहित ट्रफी, मेडल र प्रमाण पत्र प्राप्त गर्ने छ । साथै फुटबल प्रतियोगिता सँगै विविध सांस्कृतिक कार्यक्रम पनि सञ्चालन हुने आयोजकको भनाई छ ।
प्रतिक्रिया