ताप्लेजुङ । प्रथम लिङ्तेप आमन्त्रित गोल्डकप माघ ९ गते देखि हुने भएको छ । वसन्त पन्चमीको अवसरमा प्रगतिशील युवा क्बल मेरिङ्देन गाउँपालिका (४ लिङ्तेपको आयोजनामा गोल्डकप माघ ९ गते देखि १३ गतेसम्म हुने भएको हो ।
प्रतियोगिताको उद्घघाटन खेल अन्तरगत माघ ९ गते आयोजक प्रगतिशील युवा क्लब निलो र लालिमा युवा क्लब ढुङ्गेसाँघु बिच हुनेछ । त्यस्तै माघ १० गते आयोजक प्रगतिशील युवा क्लब निलो र मानाभारा युवा क्लब खेजेनिम बिच हुनेछ । माघ ११ गते साथिभाई सामाजिक युवा क्लब फुङ्लिङ र पुवाजुङ फुटबल क्लब ईलाम साथै पृथ्वी तथा लेस्नमाया स्मृति युवा क्लब खाम्लुङ र कुम्मायक कुसायक क्लब पाँचथर बिच प्रतिस्पर्धा हुनेछ ।
प्रतियोगिताको बिजेता टीमले नगद ३ लाख २ हजार ८२ र उपबिजेता हुने टीमले नगद १ लाख ५२ हजार ८२ सहित ट्रफी, मेडल र प्रमाणपत्र प्राप्त गर्ने क्लबका अध्यक्ष बिजय हाङ्गामले बताउनु भयो । प्रत्येक खेलको म्यान अफ द म्याच हुने खेलाडीलाई नगद दुई हजार पुरस्कार प्रदान गरिनेछ । त्यस्तै प्रतियोगिताको उत्कृष्ट गोल किपर, उत्कृष्ट डीफेन्डर र सर्बाधिक गोलकर्तालाई जनही ४ हजार रुपैयाँ र प्रतियोगिताको उत्कृष्ट खेलाडीलाई नगद ८ हजार रुपैयाँ प्रदान गरिनेछ ।
फुटबलको माध्यमबाट मेरिङदेनमा रहेका पर्यटकिय क्षेत्रको प्रचारप्रसार गर्ने उदेश्यले गोल्डकपको आयोजना गरिएको आयोजकले जनाएको छ । प्रतियोगिताको फाईनल खेल भने माघ १३ गते हुनेछ भने प्रतियोगिता संचालन गर्न करिब ११ लाख रुपैयाँ लाग्ने अनुमान गरिएको क्लबका अध्यक्ष हाङ्गामले बताउनु भयो ।
प्रतिक्रिया