ताप्लेजुङ, पुस ३० गते । प्रथम मानाभारा गोल्डकपलाई ५ लाख ३७ हजार बढी नाफा भएको छ । गत पुस १५ गतेदेखि १९ गतेसम्म सञ्चालन भएको प्रथम मानाभारा गोल्डकपलाई ५ लाख ३७ हजार ९२५ रुपियाँ नाफा भएको हो ।
आयोजक मानाभारा युवा स्पोर्टिङ क्लबले आय व्यय सार्वजनिक गर्दै नाफाको बारे जानकारी गराएको छ । सार्वजनिक आय व्यय अनुसार गोल्डकप सञ्चालन गर्नका लागि विभिन्न सहयोगीदाता, स्थानीय सरकार र सङ्घ संस्थाहरूबाट जम्मा २२ लाख ९२५ हजार रुपियाँ आर्थिक सङ्कलन भएको क्लबका कोषध्यक्ष आदित्य लिम्बूले जानकारी दिनुभयो । उहाँका अनुसार जसमा १६ लाख ८४ हजार रुपियाँ खर्च भएको थियो ।
गोल्ड कपको उपाधि भने माछापोखरी हिटी क्लब चाँगेले हात पारेको थियो । स्थानीय स्तरमा उत्पादित प्रमुख नगदे बाली अलैँचीको प्रवर्द्धन साथै विश्वमा छरिएर रहनु भएका लिम्बू जातिको शिर उठाउने ठाउँ ‘नाहाङ्मा–यक’ र गडीडाँडाको संरक्षण तथा प्रचार प्रसारका लागि गोल्ड कपको आयोजना गरिएको क्लबका सचिव मौसम अन्छङबोले जानकारी दिनुभयो ।
प्रतिक्रिया