खोक्लिङमा किराना पसलको अनुगमन

सौगात विष्ट
ताप्लेजुङ, पुष १ गते । ताप्लेजुङको मिक्कवाखोल गाउँपालिका–२ खोक्लिङमा किराना पसलहरूको अनुगमन गरिएको छ । म्याद नागेका वा म्याद गुज्रेका वस्तुहरूको बिक्री बितरण पुर्ण रुपमा रोक लगाउने उद्देश्यले मङ्गलबार वडा अध्यक्ष सहितको टोलीले किराना पसलहरूको अनुगमन गरेको हो । 

अखाद्य वस्तुहरूको खरिद बिक्रीले मानिसहरको स्वास्थ्यमा गम्भिर असर गरिरहेकाले सो कुरालाई मध्यनजर गर्दै पसलहरूको अनुगमन गरिएको वडा अध्यक्ष झरेन्द्र प्रसाद थापाले जानकारी दिनुभयो । 

उहाँका अनुसार अखाद्य वस्तुहरूको खरिद बिक्री गरेको पाइएमा प्रचलित कानुन बमोजिम कारबाही समेत गरिने छ । किराना पसल अनुगमनको कदम सम्मानजनक गरेको स्थानहरूको भनाई छ ।