मरिक एफसी धरान सिरिजङ्गा गोल्डकपको फाईनलमा प्रवेश

रेडियो काबेली
ताप्लेजुङ । मरिक एफसी धरान तेल्लोकमा जारी पाँचौ सिरिजङ्गा गोल्डकपमा फाईनलमा प्रवेश गरेको छ । शनिबार (आज) भएको पहिलो सेमिफाईनल खेलमा आयोजक तेल्लोक स्पोर्टिङ क्लबलाई ट्राईबेकरमा ४–२ गोल अन्तरले पराजित गर्दै धरानको मरिक एफसी फाईनलमा प्रवेश गर्न सफल भएको हो । निर्धारित समयमा दुबै टिमबाट एक–एक गोलको बराबरी गोल भएपछि खेल ट्राईबेकरतर्फ धकेलिएको थियो ।

अब आईतबार (भोलि) हुने दोस्रो तथा अन्तिम सेमिफाईनल खेलमा म्याङलुङ स्पोर्टिङ क्लब तेह्रथुमले न्यु स्टार क्लब झापा सँग प्रतिस्पर्धा गर्नेछ । गोल्डकपको विजेताले नगद ३ लाख ३२१ र उपविजेताले एक लाख ५० हजार ३२१ सहित ट्रफी पाउने छ । प्रतियोगितामा सर्वोत्कृष्ट खेलाडीले नगद १० हजार, सर्वाधिक गोलकर्ता, उत्कृष्ट गोलरक्षक, उत्कृष्ट डिफेन्डर र उत्कृष्ट मिडफिल्डरलाई समान ५–५ हाजार प्रदान गरिने आयोजक तेल्लोक स्पोर्टिङ क्लबका अध्यक्ष अर्जुन भट्टराईले बताउनुभयो । गोल्डकपमा ८ वटा टोलीको सहभागिता रहेको छ । प्रतियोगिताको फाईनल खेल मङ्सिर २९ गते हुनेछ ।