मैवाखोलामा सेफ्टी ट्याङकीको खाल्डोमा परि दुई बालबालिकाको मृत्यु

ताप्लेजुङ । जिल्लाको मैवाखोला गाउँपालिकामा सौचालयको सेफ्टी ट्याङकीको खाल्डोमा परि दुई बालबालिकाको मृत्यु भएको छ । सौचालयको सेफ्टी टयाङ्कीमा जमेको पानीमा पौडी खेल्ने क्रममा दुईजना बालबालिकाको मृत्यु भएको हो ।
पालिकाको केन्द्र साँघुको नारायणी माबिको निर्माणाधिन सौचालयको अन्दाजी ७÷८ फिट गहिरो खनिएको सेफ्टी ट्याङ्कीको खाल्डोमा पौडी खेल्ने क्रममा पालिकाको वडा नं ३ थक्लुङटोलका चन्द्र बहादुर थक्लुङको छोरा वर्ष ९ का मौसम लिम्बु र वडा नं.४ ताम्राङका लाक्पा शेर्पाको छोरी साँघु बजार माईजु सुमित्रा शेर्पाको घरमा बस्ने वर्ष ९ कै याङजु शेर्पाको मृत्यु भएको जिल्ला प्रहरी कार्यालय ताप्लेजुङका प्रहरी नायब उपरिक्षक रोहित कुमार बढँईले जानकारी दिनुभयो । उहाँका अनुसार मृतक बालबालिकाको शव पोष्टमार्टम गरि आफन्तलाई जिम्मा लगाईएको छ ।