ताप्लेजुङमा लागू औषध मुद्दामा फरार रहेका एक जना पक्राउ

ताप्लेजुङ । ताप्लेजुङमा लागू औषध मुद्दामा फरार रहेका एक जना व्यक्ति पक्राउ परेका छन् । लागू औषध मुद्दामा पक्राउ पुर्जी जारी भई फरार रहेका व्यक्ति पक्राउ परेका हुन् ।

पक्राउ पर्नेमा मिक्वाखोला गाउँपालिका वडा नम्बर चार घर भइ हाल फुङलिङ नगरपालिका निवासी २२ वर्षका एमन लिम्बू रहेको सूचना अधिकारी तथा प्रहरी निरीक्षक विवेक बस्नेतले जानकारी दिनुभयो । उहाँको अनुसार लिम्बूलाई गत चैत्र ३१ गते फुङलिङ नगरपालिका चारबाट नै पक्राउ गरिएको हो । 

लिम्बू लागू औषध मुद्दामा जिल्ला अदालत ताप्लेजुङबाट पक्राउ पुर्जी जारी भई फरार रहेका थिए । पक्राउ परेका लिम्बुलाई मङ्गलबार अदालतमा उपस्थित गराइएको प्रहरीले जनाएको छ ।