ताप्लेजुङमा नाबालिकालाई करणी गरेको अभियोगमा एक जना पक्राउ

ताप्लेजुङ । ताप्लेजुङमा नाबालिकालाई करणी गरेको अभियोगमा एक जना पुरुष पक्राउ परेका छन् । १४ वर्षीय नाबालिकालाई पटक–पटक करणी गरेको अभियोगमा ३८ वर्षीय पुरुषलाई प्रहरीले पक्राउ गरेको हो ।

मोबाइल किनिदिएर बालिकालाई पटक–पटक करणी गरेको जाहेरीको आधारमा पुरुषलाई नियन्त्रणमा लिइ अनुसन्धानलाई जारी राखिएको जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक विवेक बस्नेतले जानकारी दिनुभयो ।

उहाँका अनुसार युवकले बालिकालाई पुष २ गते र ४ गते रातको समयमा जबरजस्ती करणी गरेको जाहेरीमा उल्लेख  छ । जाहेरीका आधारमा युवकलाई खोजी गर्ने क्रममा शुक्रबार प्रहरीले नियन्त्रणमा लिएको बताइएको छ ।

उनलाई मुलुकी फौजदारी कार्यविधि संहिता २०७४ को दफा १४ ९३० बमोजिम अदालतबाट ७ दिनको म्याद लिई अनुसन्धानलाई जारी राखिएको प्रहरीले जनाएको छ ।