ताप्लेजुङ गोल्डकप :बिर्तामोड र सिराहा भिड्दै

ताप्लेजुङ । ताप्लेजुङमा जारी अन्तर्राष्ट्रिय आमन्त्रण दोश्रो ताप्लेजुङ गोल्डकपमा आज बिर्तामोड र सिराहा भिड्दै छन् । भाद्र ३ गतेदेखी सुरु भएको गोल्डकपको अन्तिम सेमिफाईनलमा आज झापाको बिर्तामोड फुटबल क्लब र सिराहाको सलहेश युवा क्लब भिड्न लागेका हुन् ।
यो दुई टीम बीचको बिजेताले फाईनलमा मोरङसँगको भेट पक्का गर्नेछ । झापाले त्रिभुवन आर्मीलाई र सिरहाले पाँचथरलाई पराजित गर्दै सेमिफाईनलमा प्रबेश गरेका हुन् । शुक्रबार (हिजो) भएको पहिलो सेमिफाईनल खेलमा ताप्लेजुङको संघर्ष स्पोर्टिङ युवा क्लबलाई २–१ ले पराजित गर्दै सगरमाथा युथ क्लब मोरङ फाईनलमा प्रवेश गरेको हो । भदौ १० गते हुने फाईनल प्रतियोगिताको विजेताले ५ लाख र उपविजेताले २ लाख ५० हजार ५ सय ५५ रुपैयाँ सहित ट्रफी, मेडल र प्रमाण पत्र प्राप्त गर्ने छन् ।