सर्पले डस्दा ताप्लेजुङको पाथीभरा याङवरकमा एक घाईते

रेडियो काबेली
ताप्लेजुङ । ताप्लेजुङको पाथीभरा याङवरक गाउँपालिकामा सर्पले डस्दा एक जना घाईते हुनुभएको छ । घाईते हुनेमा पालिकाको वडा नं. १ नाखोल्याङ सुबेवाका ५२ वर्षीय भिम बहादुर राई रहनु भएको जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक कमल लुङ्गेलीले जानकारी दिनुभयो ।

उहाँका अनुसार राईलाई साउन ४ गते साँझ घर नजिकैको बारीमा काम गरेर फर्किने क्रममा सर्पले डसेको थियो । गाउँमा उपचार सम्भव नभएपछि साउन ५ गते जिल्ला अस्पताल ताप्लेजुङ ल्याईएकोमा जिल्ला अस्पतालमा पनि उपचार सम्भव नभएपछि सोमबार ( आज) सर्प दंश उपचार केन्द्र चारआली रेफर गरिएको प्रहरीले जनाएको छ ।