पाथीभराको ठुलो फेदीमा नवनिर्मित स्वास्थ्य चौकी भवनको उद्‌घाटन



ताप्लेजुङ । ताप्लेजुङस्थित पाथीभराको ठुलो फेदीमा नव निर्मित स्वास्थ्य चौकी भवनको उद्‌घाटन गरिएको छ । कोशी प्रदेशका पूर्व खानेपानी, सिँचाइ तथा उर्जा, एवम् स्वास्थ्य मन्त्री, प्रदेश सभा सदस्य तिलकुमार मेन्याङबोको प्रमुख आतिथ्यतामा नवनिर्मित भवनको बिहीबार उद्‌घाटन गरिएको हो ।

चालु आर्थिक वर्ष २०८०/०८१ मा कोशी प्रदेश सरकारद्वारा विनियोजित ५० लाख रकमको लागतमा भवन निर्माण सम्पन्न गरि उद्‌घाटन गरिएको पूर्वमन्त्री मेन्याङबोका सूचना प्रविधि अधिकृत हेमराज निरौलाले जानकारी दिनुभयो । उहाँका अनुसार १ तले नवनिर्मित भवनमा एउटा हल सहित ४ ओटा कोठा रहेका छन्   स्वास्थ्यकर्मीका लागि आवास सहितको भवन निर्माण गरिएको निरौलाले बताउनुभयो ।

पाथीभरा मन्दिरमा दर्शनका लागि आउने तीर्थयात्रीको तथा फेदी, काफ्लेपाटीका स्थानीयलाई सहजता प्रदान गर्ने उद्देश्य सहित सो क्षेत्रमा प्रदेश सरकारले स्वास्थ्य चौकी भवन निर्माण गरेको हो । भवन उद्‌घाटनकै क्रममा पूर्वमन्त्री मेन्याङबोले अब चाँडै नै स्वास्थ्य चौकी सञ्चालनका लागि आवश्यक फर्निचर, औषधीसँगै थप स्वास्थ्यकर्मीको समेत व्यवस्थापन गर्ने बताउनुभयो ।

सो कार्यको लागि प्रदेश सरकारले आगामी आर्थिक वर्षमा प्रदेश सरकारबाट २० लाख रुपैयाँ बजेट समेत विनियोजन गरिएका मन्त्री मेन्याङबोले उल्लेख गर्नुभएको निरौलाको भनाई छ । फेदीमै सुविधा सम्पन्न स्वास्थ्य चौकीको स्थापनासँगै अब तीर्थयात्रीले स्वास्थ्य जोखिम मोल्नुपर्ने बाध्यताको अन्त्य भएको फुङलिङ नगरपालिकाका प्रमुख अमिर मादेनले बताउनुभयो ।

भवन निर्माण पश्चात अब आवश्यक उपकरण र दक्ष जनशक्तिको व्यवस्थापन भए तीर्थयात्री तथा सो क्षेत्रका स्थानीयले उपचारका लागि सदरमुकाम धाउनुपर्ने झन्झटबाट मुक्त हुने विश्वास लिएका छन् ।

प्रकाशित मिति : २७ असार २०८१, बिहीबार १२:४२

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१

बढ्यो पेट्रोल, डिजेल र मट्टीतेलको मूल्य

सरकारले पेट्रोल, डिजेल र मट्टीतेलको भाउ बढाएको छ। नेपाल आयल