कांग्रेस र एमालेबीच नयाँ सरकार बनाउने सहमति, शुरुमा ओली प्रधानमन्त्री बन्ने



नेपाली कांग्रेस र नेकपा एमालेबीच संविधान संशोधनको एजेन्डासहित ुराष्ट्रिय सहमतिकोु सरकार बनाउने सहमति भएको छ । लामो छलफल र गृहकार्यपछि गएराति कांग्रेस सभापति शेरबहादुर देउवा र एमाले अध्यक्ष केपी शर्मा ओलीले सहमतिपत्रमा हस्ताक्षर गरेका हुन् ।

सहमतिअनुसार पहिलो चरणमा एमाले अध्यक्ष ओली र डेढ वर्षपछि कांग्रेस सभापति देउवा प्रधानमन्त्री बन्नुहुने नेताहरुले बताएको छ । नेताका अनुसार निर्वाचन प्रणालीलगायतका विषयमा संविधान संशोधन गर्न सुझाव आयोग बनाउने सहमति पनि भएको छ ।

आयोगले दिने सुझावका आधारमा संविधान संशोधन गर्ने र राजनीति स्थायित्व हुने गरी निर्वाचन प्रणाली सुधार गर्ने नेताहरुको भनाइ छ । सहमतिअघि देउवा र ओलीले राति नै राष्ट्रपति रामचन्द्र पौडेलसँग भेट गर्नुभएको छ । कांग्रेस र एमालेबीच सहमतिपछि प्रधानमन्त्री पुष्पकमल दाहाल नेतृत्वको सरकार विघटनको हुने निश्चित भएको छ ।

नयाँ सत्ता समीकरणका लागि देउवा र ओलीबीच केही दिनदेखि शृंखलाबद्ध छलफल भइरहेको थियो । माओवादी केन्द्रका अध्यक्ष पुष्पकमल दाहाल प्रचण्ड संविधानको धारा ७६ (२) अनुसार प्रधानमन्त्रीमा नियुक्त हुनुभएको थियो । एमालेले उहाँलाई दिएको विश्वास मत फिर्ता लिएपछि नयाँ सरकार गठनको प्रक्रिया शुरु हुनेछ । सहमतिमा प्रदेश सरकारको पनि बाँडफाँट गरिएको दाबी छ ।

प्रकाशित मिति : १८ असार २०८१, मंगलवार ००:५८

मैवाखोलाको नारायणी माविले पायो स्नातक तहको सम्बन्धन

ताप्लेजुङ । ताप्लेजुङको मैवाखोला गाउँपालिकाको नारायणी माध्यमिक विद्यालय साँघुले स्नातक

हेल्लोकको श्री पार्वती माध्यमिक विद्यालयका विद्यार्थीहरूले गरे वृक्षारोपण

ताप्लेजुङ । श्री पार्वती माध्यमिक विद्यालयका विद्यार्थीहरूले वृक्षारोपण गरेका छन्

अपर तमोर हाइड्रोपावरको रोकिएका सबै काम यथावत राख्न माग

ताप्लेजुङ। ताप्लेजुङमा निर्माण भइरहेको अपर तमोर हाइड्रोपावर कम्पनीको रोकिएको सबै

फुङलिङ बजारको विभिन्न क्षेत्रमा रहेका सुँगुरको खोर सात दिन भित्र हटाउनु पर्ने 

ताप्लेजुङ । ताप्लेजुङको फुङलिङ नगरपालिकामा अव्यवस्थित रुपमा रहेका सुँगुरका खोरहरू

नेपाली काङ्ग्रेस जिल्ला प्रशिक्षण विभागद्वारा लघु प्रशिक्षण कार्यक्रम सम्पन्न

सौगात विष्ट ताप्लेजुङ । ताप्लेजुङमा लघु प्रशिक्षण कार्यक्रम सम्पन्न भएको छ