पाथीभरा मन्दिर क्षेत्रको अनुगमन सँगै गरियो वृक्षारोपण 



ताप्लेजुङ । प्रसिद्ध तीर्थस्थल पाथीभरा मन्दिर (मुक्कुमलुङ) क्षेत्रमा स्थलगत अनुगमन तथा वृक्षारोपण गरिएको छ । पाथिभरा क्षेत्र विकास समितिको आयोजनामा शुक्रबार विभिन्न सरोकारवालाहरूको उपस्थितिमा अनुगमन तथा वृक्षारोपणको कार्य गरिएको हो । 

जिल्ला समन्वय समितिका उप–प्रमुख कृष्ण लिङखिमको प्रमुख आतिथ्यतामा मन्दिर परिषरको अनुगमन तथा आसपासका क्षेत्रमा बिरुवाहरू रोपिएको छ । समितिले मन्दिर क्षेत्र आसपासलाई हरियाली बनाउन तथा सुन्दरतालाई कायम गर्न हरेक वर्ष वृक्षारोपणको कार्यलाई निरन्तरता दिदैँ आएको छ । 

३ हजार ७ सय ९४ मिटरको उचाइमा रहेको पाथीभरा मन्दिर आसपासमा विशेष गरेर यस वर्ष धूपीका बिरुवाहरू रोपिएको कार्यकारी निर्देशक प्रजिन हाङबाङको भनाई छ । उहाँका अनुसार वृक्षारोपण अभियान अन्तर्गत समितिले यस वर्ष करिब १ हजारभन्दा बढी बिरुवाहरू रोपेको छ । 

रोपिएको विरुवाहरुलाई संरक्षण तथा मलजल गर्नका लागि समितिका कर्मचारीहरू खटाइने हाङबाङले बताउनुभयो । अनुगमनको क्रममा मन्दिर परिसरमा अधिकांस क्षेत्रको व्यवस्थापन मजबुद ढंगले भएको पाइएको जिल्ला समन्वय समितिका उप–प्रमुख लिङखिमको भनाई थियो । समितिले यसअघि गत मंसिर १५ गते समेत सर्बपक्षिय अनुगमनको आयोजना गरेको थियो ।

सो अनुगमनपछि प्राप्त भएको सल्लाह–सुझावको आधारमा मन्दिर क्षेत्रको व्यवस्थापन गरिएको अध्यक्ष रक्की थेवेले बताउनुभयो । मुक्कुम्लुङ संघर्ष समितिले पनि केही दिन अगाडि माथिल्लो फेदीदेखि मन्दिर परिसरसम्म वृक्षारोपण गरेको छ । संघर्ष समितिले उक्त क्षेत्रमा २० हजार बिरुवा रोपेको छ । केबलकार निर्माण लागि रुख कटान गरिएको क्षेत्रमा संघर्ष समितिले वृक्षारोपण गरेको हो ।  

प्रकाशित मिति : १४ असार २०८१, शुक्रबार १४:३८

मैवाखोला गाउँपालिकामा ट्याक्टर दुर्घटनामा परि एक जनाको मृत्यु

ताप्लेजुङ। ताप्लेजुङको मैवाखोला गाउँपालिकामा ट्याक्टर दुर्घटनामा परि एक जनाको मृत्यु

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१