साहारा लङ्वा लिम्बू
ताप्लेजुङ । फुङ्लिङ नगरपालिकाले १ करोड ९३ लाख बढि राजश्व संकलन गरेको छ ।
आज नगर सभाको १५ अधिवेशनमा बजेट पेश गर्दै नगरपालिकाका उपप्रमुख भिमादेवी ओझाले चालु आर्थिक वर्षको जेठ मसान्त सम्ममा १ करोड ९३ लाख ६९ हजार रुपैयाँ राजश्व संकलन गर्न सफल भएको बताउनुभएको हो ।
उक्त राजश्व संकलन नगरपालिकाले राखेको लक्ष्यको तुलनामा ६४.३४ प्रतिशत रहेको छ । नगरपालिकाले चालु आर्थिक वर्षमा ३ करोड १ लाख राजश्व संकलन गर्ने प्रक्षेपण राखेको थियो ।
प्रतिक्रिया