मनाइयो साहित्यकार जगमोहन शाक्यको जन्मजयन्ती



ताप्लेजुङ । ताप्लेजुङमा आज (बुधबार) साहित्यकार जगमोहन शाक्यको जन्मजयन्ती मनाइएको छ । उद्योग वाणिज्य सङ्घ ताप्लेजुङको सभाहलमा साहित्यकार शाक्यको ९२ औँ जन्मजयन्ती मनाइएको हो । 

कञ्चनजङ्गा साहित्य प्रतिष्ठान ताप्लेजुङ र शाक्य मेडिकल हलको संयुक्त पहलमा जन्मजयन्ती मनाइएको प्रतिष्ठानका अध्यक्ष कमलप्रसाद भट्टराईले बताउनुभयो । उहाँका अनुसार जन्मजयन्तीको अवसरमा ताप्लेजुङका प्रतिष्ठित साहित्य प्रेमीहरूले आ–आफ्ना रचना वाचन गरेका थिए ।  रचना बाचनकै क्रममा साहित्य प्रेमीहरूले स्वर्गीय शाक्यले नेपाली साहित्य तथा संगीत क्षेत्रमा पु¥याएको योगदानको चर्चा तथा स्मरण गरेका थिए । 

 साहित्यकार शाक्यले ‘उपहार’, ‘बाह्र मसला’, ‘हारेको सपना’, ‘जिन्दगीका फाँटहरू’, ‘मनका उच्चबास’ लगायतका कृतिहरू प्रकाशित गर्नुभएको थियो । उहाँले वि. सं. २०१० सालमा साहित्यिक यात्रालाई शुभारम्भ गर्नुभएको बताइएको छ । शाक्यले वि. संं. २०१५ सालमा ‘उपहार’, वि. सं. २०१८ सालमा ‘बाह्र मसला’, वि. सं. २०४९ सालमा ‘जिन्दगीका फाँटहरू’ लगायतका कृतिहरू प्रकाशन गर्नु भएको थियो । 

 वि. सं. १९९० साल जेठ १६ गते बुवा नरबहादुर शाक्य र आमा ललितमाया शाक्यको कोखबाट जन्मनुभएका साहित्यकार शाक्यको वि. सं. २०६६ सालमा निधन भएको थियो ।  

 कार्यक्रममा फुङ्लिङ नगरप्रमुख अमिर मादेन, निमित्त प्रमुख जिल्ला अधिकारी टङ्कबहादुर भट्टराई, स्वर्गीय साहित्यकार शाक्यका छोरा सुन्दरमोहन शाक्य तथा बुहारी सुष्मा शाक्य, ताप्लेजुङका साहित्यप्रेमी महानुभाव लगायतको उपस्थिति रहेको थियो । कार्यक्रम प्रतिष्ठानका अध्यक्ष भट्टराईको अध्यक्षतामा सम्पन्न भएको छ । 
 

प्रकाशित मिति : १६ जेष्ठ २०८१, बुधबार १४:१९

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१

बढ्यो पेट्रोल, डिजेल र मट्टीतेलको मूल्य

सरकारले पेट्रोल, डिजेल र मट्टीतेलको भाउ बढाएको छ। नेपाल आयल