ताप्लेजुङ । राष्ट्रिय युवा संघ नेपाल ताप्लेजुङ र अनेरास्ववियु जिल्ला कमिटी ताप्लेजुङले संयुक्त रुपमा स्वर्गीय मदन भण्डारीको जन्मघरको सफाइ तथा मर्मतसम्भार कार्य सुरु गरेका छन् । लोकतन्त्र दिवसको अवसर पारेर ताप्लेजुङको मैवाखोलास्थित ढुङगेसाँघुमा रहेको उक्त घरलाई मर्मतसम्भार गर्न थालिएको हो ।
![](https://i0.wp.com/radiokabeli.com/wp-content/uploads/2024/04/07469d86-188d-47bd-b510-d1431fbdbba0-768x432.jpg?resize=720%2C405&ssl=1)
दुबै सङ्गठनका करिव ३०–३५ जना जनशक्तिमार्फत मर्मतसम्भार कार्य सुरु गरिएको अनेरास्ववियु जिल्ला कमिटी अध्यक्ष बिबेक बानियाँले जानकारी दिनुभएको छ । उहाँका अनुसार आजबाट सुरु गरिएको उक्त कार्य तीन दिन भित्रमा सकिने तयारी रहेको छ । मर्मतसम्भार कार्य स्थानीय मजदुर, दुबै सङ्गठनका अगुवा तथा नेकपा एमालेका कार्यकर्ता मिलेर गरिएको हो ।
![](https://i0.wp.com/radiokabeli.com/wp-content/uploads/2024/04/9965c08f-47af-47a3-a467-af47ffa695b9-768x512.jpg?resize=720%2C480&ssl=1)
घरको छानो पूर्ण रुपमा भत्काएर नयाँ लगाइने भएको छ भने भत्किएका र मकिएका काठहरू समेत फेरिने भएको छ ।
![](https://i0.wp.com/radiokabeli.com/wp-content/uploads/2024/04/e772d1b6-a819-4cff-9678-48a5ddd7efc0-768x432.jpg?resize=720%2C405&ssl=1)
प्रतिक्रिया