पाँचथरको याङवरक गाउँपालिका थर्पुमा जन्म भै बेलायत बसोबास गर्दै आउनु भएका सर्जक लिलाराज काम्वाङ द्वारा निर्मित म्युजिकल फिल्म ‘छुट्ने बेलाू’ एक भव्य समारोहका विच लोकार्पण भयेको छ ।
लोकप्रिय गायक तथा महागुरुका उपमाले चिनिएका अग्रज गायक तथा संगीतकार दिप श्रेष्ठको प्रमुख आतिथ्यतामा भएको कार्यक्रम राइजिङ मल दरवार मार्गमा उक्त २५ मिनेट लामो म्युजिकल फिल्म देखाएर सम्पन्न भएको थियो ।
लाहुरेको जीवन र वियोगान्त कथामा आधारित २५ मिनेट लामो म्युजिकल फिल्मको अडियो तर्फ संगीतकार शंकर थापा स्माईल, एरेन्ज कुशल सिं नियाल, मिक्समाष्टर किशोर थापा, गायकहरू साइराज खाती र मुना थताल छन भने गीतको शब्द रचना लिलाराज काम्बाङको रहेको छ ।
यसै गरि सम्राट अधिकारी र प्रतीक्षा लिम्बुको मुख्य अभिनयमा बनिएको म्युजिकल फिल्मको निर्देशन गणेश शाहीले गरेका छन । विशाल थापाको क्यामेरा, अविनाश मानन्धरको द्रोण तथा डिन्सन शाहले एडिट र कलरिङ गरेको यो सांगीतक फिल्मले नेपाली म्युजिक उद्योगमा नयाँ आयाम ल्याउने विश्वास चर्चित गायिका तथा कार्यक्रमका विशिष्ट अतिथि अन्जु पन्त र शिव परियारले आशा राखेका थिए ।
समीक्षकहरूले २५ मिनेटमा उत्कृष्ट कथावस्तुमा गीतलाई समेटेका निर्देशक गणेश शाही र नयाँ डेब्यु कलाकार प्रतीक्षा काम्बाङ लिम्बुको चर्चाका साथै उत्कृष्ट अडियोको लागि सङ्खर थापा स्माईल, लिलाराज काम्बाङ र गायकहरूको धेरै तारिफ गरेका थिए ।
उक्त भव्य कार्यक्रममा सर्जक कादम्बरी दाना श्रेष्ठ, डिपि अर्याल, मेघराज पोख्रेल, इन्जिनियर तथा गायक वीरेन्द्र श्रेष्ठ, गायक कमल श्रेष्ठ लगायत दर्जनौँ कलाकारहरूको उपस्थिति भएको थियो ।
कार्यक्रममा निर्माता लिलाराज काम्बाङका दाजु धन कुमार काम्बाङ्ले कार्यक्रमको अध्यक्षता गरेका थिए भने झण्डै २०० ब्यक्तिले लोकार्पण कार्यक्रमको साक्षी बसेका थिए ।
म्युजिकल फिल्म
प्रतिक्रिया