ताप्लेजुङका प्रजिअ पौडेलको सरुवा

ताप्लेजुङ । ताप्लेजुङका प्रमुख जिल्ला अधिकारीको सरुवा भएको छ । करिब ५ महिनाअघि जिम्मेवारी सम्हाल्न ताप्लेजुङ आइपुग्नु भएकी प्रजिअ हिरादेवी पौडेलको सरुवा भएको हो । 

गृह मन्त्रालयको आज बसेको बैठकले ताप्लेजुङकी प्रजिअ पौडेल सहित ११ ओटा जिल्लाका प्रजिअको एक साथ सरुवा गरेको छ । प्रजिअ पौडेलको गृह मन्त्रालयमा सरुवा भएको छ भने उहाँको नयाँ प्रजिअको रुपमा रविन्द्र आचार्य ताप्लेजुङ आउँदै हुनुहुन्छ । 

सल्यान जिल्लाको सहायक प्रजिअको जिम्मेवारी सम्हाल्नु भएका आचार्य ताप्लेजुङ आउन लाग्नु भएको हो । ताप्लेजुङमा पौडेलले दोश्रो महिला प्रजिअको जिम्मेवारी निर्वाह गर्नू भएको छ । 

यसअघि गोमादेवी चेम्जोङ पहिलो महिला प्रजिअ बनेर ताप्लेजुङ आउनु भएको थियो ।