पाथीभराको सुनचाँदी लिलाम बिक्री प्रक्रीया सुरु



ताप्लेजुङ । ताप्लेजुङको पाथीभरामा हालसम्म सङ्कलित सुनचाँदी लिलाम बिक्री गरिने भएको छ । पाथीभरामा हालसम्म सङ्कलन भएको १७८ तोला सुन र पाँच हजार तोलाभन्दा बढी चाँदीको लिलाम बिक्री प्रक्रीया सुरु गरिएको पाथीभरा क्षेत्र विकास समितिले जनाएको छ ।

समितिका कार्यकारी निर्देशक प्रजिन हाङ्बाङका अनुसार भक्तजनले चढाएको शुद्ध अर्थात् एक नम्बर सुन १७८ तोला ८२ लाल र पाँच हजार २९८ तोला १२ लाल असली चाँदी बिक्रीको प्रक्रीया अघि बढाइएको हो ।

गत मङ्सिर १६ सम्म पाथीभरामा सङ्कलन भएको सुनचाँदी बिक्री गर्न लागिएको कार्यकारी निर्देशक हाङ्बाङले जानकारी दिनुभयो । उहाँका अनुसार लिलाम बिक्रीको प्रक्रीया सुरु भएसँगै सुनको मूल्य प्रतितोला एक लाख २१ हजार रुपियाँ र चाँदीको मूल्य प्रतितोला एक हजार ४१० रुपियाँ कायम गरिएको छ ।

उक्त तोकिएको मूल्यमा सुन र चाँदी खरिद गर्नका लागि इच्छुक व्यक्ति वा फर्मलाई समितिले आह्वान गरेको छ । सुनचाँदी बिक्री गरेर प्राप्त हुने रकमलाई समितिको आम्दानीमा बाँधिने पाथीभरा क्षेत्र विकास समितिका अध्यक्ष रक्की थेबेले जानकारी दिनुभयो । अध्यक्ष थेबेका अनुसार सुनचाँदी लिलाम बिक्रीका लागि समितिले बोलपत्र आह्वान गरेको छ ।

पाथीभरामा भक्तजनले चढाएका सुनका गरगहना र चाँदीका सामग्री प्रशोधन गरी शुद्ध बनाएर समितिले बिक्रीको प्रक्रीया अघि बढाएको हो ।

प्रकाशित मिति : २६ फाल्गुन २०८०, शनिबार  १ : १० बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको