ताप्लेजुङमा करिव १० हजार बालबालिकालाई दादुरा–रुबेला विरुद्धको खोप दिइने



ताप्लेजुङ । ताप्लेजुङमा करिव १० हजार बालबालिकाहरूलाई दादुरा–रुबेला विरुद्धको खोप दिइने भएको छ । यहाँका ९ स्थानीय तहमध्ये पहिलो चरणमा ४ र दोस्रो चरणमा ५ स्थानीय तहमा खोप अभियान सञ्चालन हुने भएको हो । 

स्वास्थ्य कार्यालय ताप्लेजुङका कोल्डचेन सुपरभाइजर दिनेश रायका अनुसार पहिलो चरणमा फागुन १८ देखि २२ गते सम्म फुङलिङ नगरपालिका, सिदिङ्वा गाउँपालिका, सिरिजङ्गा गाउँपालिका र पाथीभरा याङवरक गाउँपालिकाका खोप केन्द्रमा खोप अभियान सञ्चालन हुने छ । दोस्रो चरणमा फागुन २४ देखि २८ गते सम्म आठराई त्रिबेणी गाउँपालिका, मैवाखोला गाउँपालिका, मेरिङदेन गाउँपालिका, मिक्वाखोला गाउँपालिका र फक्ताङलुङ गाउँपालिकाका खोप केन्द्रमा खोप अभियान सञ्चालन हुने रायले जानकारी दिनुभयो ।

उहाँका अनुसार ९ महिना पूरा भई ५ वर्ष ननाघेका बालबालिकालाई दादुरा–रुबेला विरुद्धको खोप दिइने छ । स्वास्थ्य कार्यालयका अनुसार फुङलिङ नगरपालिकाका १ हजार ९ सय ८६, सिरिजङ्गा गाउँपालिकाका १ हजार ५, सिदिङ्वाका ८ सय ६० र पाथीभरा याङवरकका ७ सय ५० जना बालबालिकालाई खोप लगाइने छ । 

यस्तै फक्ताङलुङ गाउँपालिकाका ८ सय १३, मेरिङदेन गाउँपालिकाका ८ सय, आठराई त्रिबेणी गाउँपालिकाका ९ सय, मैवाखोला गाउँपालिकाका ९ सय ६१ र मिक्वाखोला गाउँपालिकाका ७ सय ६० बालबालिकालाई खोप दिइने गरी सूची तयार भएको छ । स्वास्थ्य कार्यालयले ९ महिना पूरा भई ५ वर्ष ननाघेका सबै बालबालिकालाई पायक पर्ने खोप केन्द्रमा ल्याएर दादुरा–रुबेला विरुद्धको खोप लगाउन सम्बन्धित अभिभावकहरूलाई आग्रह समेत गरेको छ । eujyalopost.com

प्रकाशित मिति : १० फाल्गुन २०८०, बिहिबार  १० : ०१ बजे

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला

ताप्लेजुङको फुङलिङमा प्राकृतिक रुपमा उम्रिएका गाँजा नष्ट गरियो

साहारा लङ्वा लिम्बू ताप्लेजुङ । ताप्लेजुङको फुङलिङमा प्राकृतिक रुपमा उम्रिएका

शान्ति आधारभुत विद्यालयका बिद्यार्थीहरुलाई ट्रयाक सुट र झोला वितरण

ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई