पाथीभरा याङ्वरकले जित्यो अध्यक्ष कप भलिबल उपाधि



ताप्लेजुङ। ताप्लेजुङको सिरिजंघा गाउँपालिकामा सम्पन्न अध्यक्ष कप पुरुष भलिबल उपाधि पाथीभरा याङ्वरकले जितेको छ । शनिबार भएको फाइनल खेलमा सिदिङ्वा गाउँपालिकालाई ३–१ को सेटमा हराउँदै पाथीभरा याङ्वरक गाउँपालिकाले उपाधि जितेको हो ।


उपाधि बिजेता पाथीभरा याङ्वरकले दोस्रो, तेस्रो र चौथो सेटमा क्रमशः २५–२१, २५–२३ र २५–२३ ले जित निकाल्न सफल भएको थियो । सिदिङ्वा गाउँपालिका भने खेलको पहिलो सेट मात्र २५–२२ ले विजयी भएको थियो । पाथीभरा याङ्वरक गाउँपालिकाले उपाधि जितेसँगै दुई लाख ५५ हजार ५५५ रुपियाँ नगद पुरस्कारसहित ट्रफी, मेडल र प्रमाणपत्र प्राप्त गरेको छ ।
यता उपविजेता बनेको सिदिङ्वा गाउँपालिकाले एक लाख ३३ हजार ३३३ रुपियाँ नगद पुरस्कार पाएको छ । यस्तै प्रतियोगितामा सबोत्कृष्ट खेलाडी घोषित हुँदै पाथीभरा याङ्वरकका गिरिराज श्रेष्ठ पुरस्कृत हुनुभएको छ ।


विभिन्न विधागत पुरस्कार पाउनेमा उत्कृष्ट ब्लकरका रुपमा पाथीभरा याङ्वरककै आक्रोस लिम्बू, उत्कृष्ट सर्बर सिदिङ्वाका मिलन लिम्बू, उत्कृष्ट लिब्रो सिरिजंघाका सौगात लिम्बू, उत्कृष्ट सेटर पाथीभरा याङ्वरकका कैलास बस्नेत र उत्कृष्ट स्पाइकर सिदिङ्वाका नरेन्द्र तामाङ रहनुभएको छ । उदयमान खेलाडीका रुपमा पाथीभरा याङ्वरकका प्रकाश बिष्ट पुरस्कृत हुनुभएको छ ।


प्रतियोगिताका बिजेताहरुलाई कोशी प्रदेश सभा सदस्य खगेनसिंह हाङ्गाम, सिरिजंघा गाउँपालिका अध्यक्ष लालकृष्ण चौहान, उपाध्यक्ष डाक्टर चित्रकुमार माबो लगायतले संयुक्त रुपमा पुरस्कार राशी, ट्रफी, मेडल र प्रमाणपत्र वितरण गर्नुभएको थियो । सिरिजंघा गाउँपालिकाको आयोजनामा अध्यक्ष कप पुरुष भलिबल प्रतियोगिताको तेस्रो संस्करण गएको बुधबार सुरु भएको थियो ।


जिल्लामा नौ स्थानीय तह रहे पनि आयोजक सिरिजंघा गाउँपालिकासहित चार स्थानीय तहले मात्र प्रतियोगितामा सहभागिता जनाएका छन् । आयोजकबाहेक पाथीभरा याङ्वरक, सिदिङ्वा गाउँपालिका र फुङ्लिङ नगरपालिका प्रतियोगितामा सहभागी भएको गाउँपालिका उपाध्यक्ष डा।चित्रकुमार माबोले जानकारी दिनुभयो । प्रतियोगिता गाउँपालिकाको प्रशासकीय केन्द्र तेल्लोकस्थित तेल्लोक माध्यमिक विद्यालयको खेल मैदानमा प्रतियोगिता सञ्चालन गरिएको थियो ।

उज्यालोपोष्ट

प्रकाशित मिति : २७ माघ २०८०, शनिबार १४:५३

केबलकारको विवादलाई समाधान गर्न आन्दोलनरत पक्ष वार्तामा बस्न तयार

ताप्लेजुङ । ताप्लेजुङमा निर्माणाधीन केबलकारको विवादलाई समाधान गर्नका लागि आन्दोलनरत

गत वर्ष फागुनको तुलनामा यस वर्षको फागुनमा करिब साढे ९ हजार कम दर्शनार्थी पाथीभरा आए 

ताप्लेजुङ । ताप्लेजुङको प्रसिद्ध तीर्थस्थल पाथिभरा मन्दिरमा दर्शन गर्न आउने

मैवाखोला गाउँपालिकाले दियो तीन परिवारलाई एक लाख ५० हजार राहत

ताप्लेजुङ । ताप्लेजुङको मैवाखोला गाउँपालिकाले ३ परिवारलाई एक लाख ५०

ताप्लेजुङमा स्थायी नियुक्तिका लागि स्थानीय तह छनोट गर्न शिक्षकहरुलाई सात दिनको म्याद

ताप्लेजुङ । ताप्लेजुङमा प्राथमिक तह तृतीय श्रेणीमा स्थायी नियुक्तिका लागि

केबलकारको विवादलाई समाधान गर्न वार्ताका लागि आन्दोलनरत पक्षलाई गृह मन्त्रालयले फेरी बोलायो

ताप्लेजुङ । ताप्लेजुङमा निर्माणाधीन केबलकारको विवादलाई समाधान गर्नका लागि गृह