ताप्लेजुङ । ताप्लेजुङको मिक्वाखोला गाउँपालिका ३ लिबाङमा चौथो मुन्धुङ्गे मेला लाग्ने भएको छ । मुन्धुङ्गे संरक्षण तथा हाटबजार व्यवस्थापन विकास मञ्चको आयोजनामा यही भा २२ गतेदेखि सांस्कृतिक कार्यक्रम सँगै विभिन्न खेलकुदका साथ मेला सञ्चालन हुने भएको हो ।
मेलामा अन्तर वडा स्तरीय पुरुष भलिबल, डोरी तान्ने र छेलो खेलको आयोजना गरिएको मञ्चका अध्यक्ष राज कुमार लिम्बूले जानकारी दिनु भएको छ । खेल मिक्वाखोला ३ लिनबाङको मुन्धुङ्गे खेल मैदानमा सञ्चालन हुने उहाँले जानकारी दिनु भएको छ ।
भलिबल तर्फ प्रथम हुनेले नगद ८० हजार सँगै ३ वर्षे रनिङ कप, मेडल र प्रमाण पत्र प्राप्त गर्ने छन् । यस्तै दोस्रो हुनेले नगद ५० हजार सहित ३ वर्षे रनिङ कप मेडल र प्रमाण पत्र प्राप्त गर्ने आयोजकले जनाएको छ ।
सांस्कृतिक कार्यक्रममा सहभागि हुने प्रत्येक कलाकारहरूलाई उचित पुरस्कारको व्यवस्था गरिएको छ भने, डोरी तान्ने र छेलो खेलको लागि पनि आकर्षक पुरस्कारको व्यवस्था गरिएको छ ।
प्रतिक्रिया