स्वमूल्याङ्कनमा ताप्लेजुङको मैवाखोलाले पायो ९०.५ प्रतिशत अङ्क 



ताप्लेजुङ । ताप्लेजुङको मैवाखोला गाउँपालिकाले बार्षिक कार्य सम्पादनहरुको संस्थागत क्षमता स्वमूल्याङ्कन सार्वजनिक गरेको छ । पालिकाले संस्थागत क्षमता स्वमूल्याङ्कनमा ९० प्रतिशत बढी नतिजा प्राप्त भएको सूची सार्वजनिक गरेको हो ।

१० वटा विषयगत क्षेत्रको सूचक अनुसार स्वमूल्याङ्कनमा ९०.५ प्रतिशत अङ्क प्राप्त भएको मैवाखोला गाउँपालिकाका निमित्त प्रमुख प्रशासकीय अधिकृत लक्ष्मीमाया गोम्देनले जानकारी दिनुभएको छ । 

उहाँका अनुसार स्थानीय तह संस्थागत क्षमता स्वमूल्याङ्कन कार्यविधि २०७७ को अधीनमा रही पालिकाले १० वटा विषय क्षेत्रको सूचक अनुसार स्वमूल्याङ्कन गरी नतिजा प्रकाशन गरेको हो । 

जस अनुसार कूल सय पूर्णाङ्कको स्वमूल्याङ्कनमा पालिकाले ९०.५ अङ्क प्राप्त गरेको जनाएको छ । ९ पूर्णाङ्कमा ८६.११ प्रतिशत अर्थात् ७।७५ अङ्क प्राप्त भएको गोम्देनको भनाई छ । यस्तै ८ पूर्णाङ्कको संगठन तथा प्रशासन ९३.६५ प्रतिशत अर्थात् ७.५ अङ्क प्राप्त भएको छ । 

साथै ११ पूर्णाङ्कको वार्षिक बजेट तथा योजना व्यवस्थापनमा ९५.४५ प्रतिशत अर्थात् १०.५ अङ्क र ११ पूर्णाङ्ककै वित्तीय एवम् आर्थिक व्यवस्थापनमा १० अङ्क अर्थात् ९०.९१ प्रतिशत नतिजा प्राप्त भएको पालिकाले जनाएको छ ।

पालिकाले १६ अङ्कको सेवा प्रवाह सम्बन्धी सूचकमा सत प्रतिशत अङ्क दिएको छ । ७ अङ्कको न्यायिक कार्य सम्पादनमा ८५.७१ प्रतिशत अर्थात् ६ अङ्क दिएको पालिकाले १३ पूर्णाङ्कको भौतिक पूर्वाधार सम्बन्धी सूचकमा ९ अङ्क अर्थात् ६९.२३ प्रतिशत नतिजा दिएको छ । 

यस्तै १० पूर्णाङ्कको सामाजिक समावेशीकरणमा ९० प्रतिशत अर्थात् ९ अङ्क दिएको छ भने ९ पूर्णाङ्कको वातावरण संरक्षण तथा बिपद् व्यवस्थापनमा सत प्रतिशत अङ्क दिएको छ । ६ पूर्णाङ्कको समन्वय र सहकार्य सूचकमा ९०.५ प्रतिशत अर्थात् ५.७५ अङ्क दिएको छ । eujyalopost.com

प्रकाशित मिति : ७ माघ २०८०, आइतबार  १२ : ४८ बजे

ताप्लेजुङमा पहिरोले एकै परिवारका ४ जनाको मृत्यु

ताप्लेजुङ – ताप्लेजुङमा गएरातिको अविरलवर्षासँगै आएको पहिरोमा परी ४ जनाको मृत्यु

महेशको ‘महसुश’ सार्वजनिक

ताप्लेजुङ । गायक महेश सिवाले ‘महसुश’ बोलको गीत सार्वजनिक गर्नुभएको

फक्ताङलुङमा बाढीले बगाएका पुलको पुनःनिर्माण कार्य सुरु, सतर्क रहन पालिकाको अनुरोध

ताप्लेजुङ । ताप्लेजुङको फक्ताङलुङ गाउँपालिकामामा तमोर नदीसहितका खोलामा लगाइएको ५

मिक्वाखोलाद्धारा आगामी नीति तथा कार्यक्रम माथि सुझाव संकलन सम्पन्न

ताप्लेजुङ । आगामि आर्थिक वर्ष २०८१÷८२ को लागि नीति तथा

तेल्लोक माध्यमिक विद्यालयलाई खेलकुदको सामाग्री प्रदान

ताप्लेजुङ । सिरीजंघा गाउँपालिका ४ तेल्लोकको तेल्लोक माध्यमिक विद्यालयलाई खेलकुदको