ताप्लेजुङ । चालु आर्थिक वर्षको पछिल्लो ६ महिनामा करिब ९१ हजार बढी तीर्थयात्रीले पाथीभराको दर्शन गरेका छन् । साउनदेखि पौष सम्ममा ९१ हजार ७ सय दर्शनार्थी पाथीभराको दर्शन गरेका हुन् ।
पाथिभरा क्षेत्र विकास समितिका अनुसार सबै भन्दाबढी कात्तिकमा ४९ हजार १ सय ६३ र सबैभन्दा कम साउनमा १ हजार २ सय २२ जना भक्तजन पाथिभरा आएका छन् । यस्तै भदौमा ५ हजार, असोजमा १० हजार ३ सय ४३, मङ्सिरमा २० हजार ४ सय १६ र पौष ५ हजार ६ सय ५५ जनाले मन्दिरको दर्शन गरेको समितिले सार्वजनिक गरेको विवरण उल्लेख छ ।
गत आर्थिक वर्षमा करिब २ लाख २० हजारले मन्दिर दर्शन गरेका थिए । उक्त दर्शनार्थीबाट हालसम्मकै धेरै भेटी ३ करोड बढी संकलन भएको थियो । पाथीभरामा रामनवमी, चैते दशै लगायतको समयमा दर्शनार्थीको घुँइचो लाग्ने गरेको छ ।
![](https://i0.wp.com/radiokabeli.com/wp-content/uploads/2024/01/414119590_1110813063444794_7143743273077594084_n-484x768.jpg?resize=484%2C768&ssl=1)
प्रतिक्रिया