पाथीभरा क्षेत्रमा केबलकार निर्माण गर्नु याक्थुङ लिम्बुहरुको मुन्धुमी स्थलको अतिक्रमण हो : संघर्ष समिती



रेडियो काबेली

ताप्लेजुङ । ताप्लेजुङमा रहेको प्रसिद्ध धार्मिक स्थल पाथीभरा मन्दिर क्षेत्रमा केबलकार निर्माण गर्न नहुने अडान राख्दै आएको समुहले आफ्नो अडान दोहो¥याएको छ । विभिन्न छ वटा संस्थाले शनिबार ताप्लेजुङमा पत्रकार सम्मेलन गर्दै केबलकार निर्माण याक्थुङ लिम्बुहरुको मुन्धुमी स्थलको अतिक्रमण मात्रै नभई व्यापारिक केन्द्र बनाउने माध्यमको रुपमा ठहर गरेको छ ।

केवलकार निमार्ण खारेजी समिति, मुकुम्लुङ संयुक्त संघर्ष समिति, प्रदेश १ पुनः नामाङ्कन संयुक्त संघर्ष समिति, किराँत धर्म तथा साहित्य उत्थान संघ, पहिचानका लागि युवा जिल्ला समिति र किराँत याक्थुङ चुम्लुङ जिल्ला समितिले संयुक्त रुपमा पत्रकार सम्मेलन गर्दै उक्त चेतावनी दिएका हुन् ।


पत्रकार सम्मेलन कार्यक्रममा केवलकार निर्माण खारेजी संघर्ष समितिका संयोजक खगेन्द्र फेम्वु लिम्बूले जबरजस्ती निर्माण गर्न खोजे प्रतिकार गर्ने चेतावनी दिए । एक÷दुई जना जनप्रतिनिधिले सिंगो समुदायको प्रतिनिधित्व गरेको नठहरिने भएकाले स्थानीयवासी संघर्षरत रहेको बुझ्न निर्माण कम्पनी र सरोकारवालालाई उनीहरुले स्मरण गराएका छन् ।


मुक्कुमलुङको अस्तित्वलाई स्वीकारेर पाथीभरा क्षेत्र विकास समितिको सट्टा मुक्कुमलुङ क्षेत्र विकास समिति हुनुपर्ने मागलाई सरकारले बेवास्ता गरेको उनीहरुको आरोप छ । विकासको बिरुद्धमा आफ्नो संघर्ष नभएको दावी गर्दै उनीहरुले ताप्लेजुङको विकास निर्माण,रोजगारीका अवसर सिर्जना गर्न आफुहरु प्रतिवद्ध रहेको जनाएका छन् ।

पुष ६ गते केबलकार निर्माणको विषयमा निर्माण कम्पनीका अध्यक्ष चन्द्र ढकालको उपस्थितीमा भएको सर्वपक्षिय छलफलमा पनि केहि पक्षले केबलकार बन्नु पर्ने अडान राख्दा यो समुहले भने निर्माण गर्न नहुने अडान राखेको थियो ।


केबलकार निर्माण गर्न नहुने अडान राख्दै आएको समुहद्धारा संयुुक्त रुपमा जारी विज्ञप्ती हेर्नुस :

प्रकाशित मिति : १४ पुस २०८०, शनिबार  २ : २० बजे

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला

ताप्लेजुङको फुङलिङमा प्राकृतिक रुपमा उम्रिएका गाँजा नष्ट गरियो

साहारा लङ्वा लिम्बू ताप्लेजुङ । ताप्लेजुङको फुङलिङमा प्राकृतिक रुपमा उम्रिएका

शान्ति आधारभुत विद्यालयका बिद्यार्थीहरुलाई ट्रयाक सुट र झोला वितरण

ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई