ताप्लेजुङमा फूलको मूल्य महँगियो



ताप्लेजुङ । ताप्लेजुङमा यस वर्षको तिहारमा फूलको मूल्य महँगिएको छ । सदरमुकाम फुङ्लिङस्थित तोक्मेडाँडामा लाग्ने शनिबारे हाटमा विगतका वर्षभन्दा यो वर्ष महँगो मूल्यमा फूलको कारोबार भएको हो ।

जिल्लामा हालसम्म व्यावसायिक फूल खेती नभएको र ग्रामीण भेगका किसानले उत्पादन गर्ने फूलमा भर पर्नुपर्ने अवस्था रहेको छ । स्थानीय किसानका अनुसार उत्पादन कम भएपछि बजारमा फूलको मूल्य महँगो पर्नेगरेको छ । मागअनुसार फूलको उत्पादन नभएकाले मूल्य महँगिएको व्यवसायी बताउँछन् ।

शनिबारे हाटमा प्रतिमुठा ५० देखि एकसय ५० रुपियाँसम्ममा फूलको कारोबार भएको छ । सयपत्री फूलभन्दा मखमली फूलको मूल्य दोब्बर महँगो भएको उपभोक्ताले बताएका छन् ।

तिहारका लागि फूल आवश्यक भएपछि बिक्री गर्न आएका व्यवसायीले भने जति नै मूल्य लगाएर फूल खरिद गर्न बाध्य भएको सदरमुकामवासी उपभोक्ताको भनाइ छ ।

बजारवासीले ग्रामीण क्षेत्रबाट आउने फूलमा भर पर्नुपर्ने बाध्यता रहेको उपभोक्ताहरु बताउँछन् । बजारबासीका लागि विकल्प नभएपछि ग्रामीण क्षेत्रबाट बिक्री गर्न ल्याइएका फूल महँगो भए पनि खरिद गर्न बाध्य हुनुपर्ने अवस्था रहेको उनीहरुको भनाइ छ । फूलको पर्वका रुपमा समेत मान्ने गरिएको तिहारमा घरढोका, भाँडाकुँडा सजाउनदेखि लक्ष्मीपूजा, भाइटीकामा फूलमालाको अधिक प्रयोग गर्ने चलन रहिआएको छ । गोरखापत्र अनलाइन

प्रकाशित मिति : २६ कार्तिक २०८०, आइतबार  १२ : ५८ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको