ताप्लेजुङ स्तरीय फिडे रेटिङ राउण्डरोबिन बुद्धिचाल प्रतियोगितामा गुरुङ भए प्रथम

ताप्लेजुङ । ताप्लेजुङ स्तरीय फिडे रेटिङ राउण्डरोबिन बुद्धिचाल प्रतियोगितामा राजकुमार गुरुङ प्रथम हुनु भएको छ ।

१० जना रेटेड प्लेयर सहभागी भएको खेलमा ९ अङ्क प्राप्त गर्दै गुरुङ प्रथम हुनु भएको ताप्लेजुङ बुद्धिचाल संघले जनाएको छ । संघका अनुसार प्रतियोगितामा चन्द्र मादेन दोश्रो र जीवन मादेन तेश्रो हुनु भएको छ । उहाँहरूले क्रमश ७.५ र ६.५ अङ्क प्राप्त गरेको आयोजकको भनाई छ । त्यस्तै ५.५ अङ्क प्राप्त गर्दै हर्क पालुङवा चौथो, ५ अङ्कका साथ बलबहादुर साम्सोहाङ्क पाँचौ बन्न भएको छ ।

प्रतियोगितामा प्रथम, द्वितीय र तृतीय हुनेले क्रमश ५ हजार, ३ हजार ५ सय र २ हजार प्राप्त गरेका छन् । त्यस्तै चौथोलाई १ हजार ५ सय र पाँचौंलाई १ हजार रुपैयाँ प्रदान गरिएको आयोजकले जानकारी दिएको छ ।
खेल लाखेजात्राको अवसरमा गत भदौ १४ देखि १६ गतेसम्म सञ्चालन भएको थियो ।