काठमाडौँ । देशभर कुनै उल्लेखनीय मौसम प्रणालीको प्रभाव नदेखिएकाले आज अधिकांश स्थानमा मौसम मुख्यतया सफा रहने मौसम पूर्वानुमान महाशाखाले जनाएको छ। महाशाखाका अनुसार आज दिउँसो कोशी, बागमती र गण्डकी प्रदेशका पहाडी भूभागमा आंशिक बदली रहनेछ भने अन्य प्रदेशका अधिकांश भागमा मौसम सफा रहनेछ। यद्यपि, कोशी र गण्डकी प्रदेशका उच्च हिमाली भूभागका केही स्थानमा हल्का वर्षा वा हिमपात हुने सम्भावना रहेको छ।
त्यसैगरी, आज राति पनि कोशी र गण्डकी प्रदेशका पहाडी क्षेत्रहरूमा आंशिक बदली रहनेछ भने देशका बाँकी भागमा मौसम मुख्यतया सफा रहने महाशाखाले जनाएको छ।
प्रतिक्रिया