साहारा लङ्वा लिम्बू
ताप्लेजुङ । अन्तर्राष्ट्रिय आमन्त्रण दोश्रो कञ्चनजङ्घा (सेसेलुङ) गोल्ड कप आजदेखि सुरु भएको छ । आज भएको उद्घाटन खेलमा आयोजक टिम कञ्चनजङ्घा फुङलिङ क्लबलाई पछि पार्दै तेह्रथुमको सम्दु फुटबल क्लब सेमिफाइनलमा प्रवेश गरेको छ ।
चासोक तङ्नामको अवसरमा श्री भानु जन माध्यमिक विद्यालयको खेलमैदानमा सञ्चालन भएको उक्त खेलमा ट्राइबेकरमा १० -९ गोल अन्तरले आयोजकलाई पछि पार्दै सम्दु फुटब क्लबले सेमिफाइनलको यात्रा तय गरेको हो । निर्धारित समयमा २-२ गोलको बराबर भए पछि खेल ट्राइबेकरमा धकेलिएको थियो ।
यो सँगै सम्दु फुटबल क्लबले सोमबार हुने सुनसरी र भारतबीचको बिजेता सँग सेमिफाइनलमा भेट पक्का गरेको छ । भोलि मोरङ र इलाम भिड्दा क्वार्टरफाईनलको अन्तिम दिन मङ्गलबार पाँचथर र झापा खेल्नेछन् । आजबाट सुरु भएको प्रतियोगिता आगामी मंसिर २२ गते सम्पन्न हुनेछ ।
कार्यक्रमको उद्घाटन कोशी प्रदेशका उद्योग, कृषि तथा सहकारी मन्त्री खगेन सिं हाङ्गामले गर्नुभएको थियो । साथै जिल्ला प्रमुख व्यक्तित्वहरुको पनि उपस्थिति रहेको थियो । कार्यक्रमको उद्घाटन समारोहमा च्याब्रुङ नाच (केलाङ), धान नाच (यालाङ) साथै झाकी प्रर्दशन गरिएको थियो ।
प्रतियोगिताको विजेताले नगद ३ लाख २ हजार ८१ र उपविजेताले १ लाख ५२ हजार ८१ रुपैयाँ सहित ट्रफी, मेडल र प्रमाण–पत्र प्राप्त गर्नेछन् । हरेक दिन म्यान अफ दि म्यान बन्ने खेलाडी र खेल अवधि भरि बिभिन्न विधामा उत्कृष्ट हुनेलाई समेत नगद पुरस्कारको ब्यवस्था गरिएको बताइएको छ ।
प्रतिक्रिया