ताप्लेजुङ । अन्तर्राष्ट्रिय आमन्त्रण दोश्रो कञ्चनजंघा (सेसेलुङ) गोल्ड कप आजदेखि सुरु हुँदैछ । लिम्बू समुदायको मौलिक पर्व चासोक तङनामको अवसरमा आयोजित प्रतियोगिता आजदेखि सुरु हुँदैछ ।
गोल्ड कप सदरमुकाम फुङलिङ बजारमा अबस्थित श्री भानुजन माद्यमिक बिद्यालयको खेलमैदानमा हुदैछ । आज पहिलो दिन उद्धघाटन खेलमा ताप्लेजुङको कञ्चनजंघा फुङलिङ क्लब र तेह्रथुमको सम्दु फुटबल क्लबबीच प्रतिष्पर्धा हुँदैछ ।
दुवैटीम बिजयी सुरुवात गर्दै सेमिफाईनल प्रबेश गर्ने लक्ष्यका साथ मैदान उत्रदैछन् । आजको बिजेताले सोमबार हुने सुनसरी र भारतबीचको बिजेतासँग सेमिफाइनलमा भेट पक्का गर्नेछ ।
भोलि मोरङ र ईलाम भिड्दा क्वाटरफाईनलको अन्तिम दिन मंगलबार पाँचथर र झापा खेल्नेछन् । आजबाट सुरु भएको प्रतियोगिता आगामी मंसिर २२ गते सम्पन्न हुनेछ ।
प्रतियोगिताको बिजेताले नगद ३ लाख २ हजार ८१ र उपबिजेताले १ लाख ५२ हजार ८१ रुपैयाँ सहित ट्रफी, मेडल र प्रमाण–पत्र प्राप्त गर्नेछन् । हरेकदिन म्यान अफ दि म्यान बन्ने खेलाडी र खेल अवधि भरि बिभिन्न बिधामा उत्कृष्ट हुनेलाई समेत नगद पुरस्कारको ब्यबस्था गरिएको बताइएको छ ।
प्रतिक्रिया