मैवाखोलामा फोहोर ब्यबस्थापनका लागि ट्याक्टर खरिद

ताप्लेजुङ । मैवाखोला गाउँपालिकाले फोहोर ब्यबस्थापनका लागि ट्याक्टर खरिद गरेको छ । गाउँपालिकाको केन्द्र समेत रहेको साँघु बजार क्षेत्रबाट निस्किने फोहोरको उचित ब्यबस्थापनका लागि ट्याक्टर खरिद गरेको हो । ट्याक्टर खरिद पछि फोहोर तालिका बनाई नियमित रुपमा फोहोरको संकलन तथा व्यवस्थापन गर्ने गाउँपालिका अध्यक्ष विजय प्रकाश वनेमले जानकारी दिनुभयो ।

उहाँका अनुसार संकलित फोहोरलाई ४ नंं वडामा पालिकाले निर्माण गरेको लेनफिल्ड साईडमा ब्यबस्थापन गरिने छ । फोहोर संकलनको समय बाहेक उक्त ट्याक्टर स्थानीय ग्रामीण भेगका सडकहरु मर्मतका लागि प्रयोग गरिनेछ । यस अघि स्थानीय बजार क्षेत्रका व्यवसायीहरुसँग भएको सहमति अनुसार अब फोहोर जताततै फाल्न र वायु प्रदुषण हुने गरी पोल्न र जलाउन नपाईने पालिका अध्यक्ष वनेमको भनाई रहेको छ ।