ताप्लेजुङ । ताप्लेजुङको मैवाखोलामा दुई जना बालबालिका बेपत्ता भएका छन् । मैवाखोला गाउँपालिका स्थित मैवाखोलाले बगाउँदा स्थानीय अन्दाजी ११ वर्षीय सन्देश बराइली र अन्दाजी १२ बर्षिया आइतरानी शेर्पा बेपत्ता भएका हुन् ।
मैवाखोला नजिकै बस्तु भाउ चराउन गएका उनीहरु पौडी खेल्ने क्रममा बेपत्ता भएको आइतरानीका दाजु कुसुले शेर्पाले बताउनुभएको छ । कुसुलेले सन्देश र आइतरानी खोलामा बेपत्ता भएको खवर गरेपछि मात्र घटनाका बारेमा थाह भएको मैवाखोला गाउँपालिका अध्यक्ष विजय प्रकाश वनेमले जानकारी दिनुभएको छ ।
घटनाबारे जानकारी पाउन साथ इलाका प्रहरी कार्यालय दोभानका प्रहरी निरीक्षक ओमप्रकाश पण्डितको नेतृत्वमा प्रहरी टोली परिचालन भएको जिल्ला प्रहरी कार्यालय ताप्लेजुङका प्रहरी प्रमुख डीएसपी रबि रावलले बताउनुभएको छ ।
यस्तै सशस्त्र प्रहरी वल नं. १ गुल्मका डीएसपी नरेश मर्हजनले पनि सशस्त्र प्रहरीका निरीक्षक योगाहाङ पतङवाको नेतृत्वमा टोली परिचालन भएको बताउनुभयो ।
प्रतिक्रिया