चोरी गरेको नगद सहित आठराई त्रिवेणीबाट २ जना पक्राउ 

ताप्लेजुङ । चोरीको आरोपमा दुई जना पक्राउ परेका छन् । ताप्लेजुङको आठराई त्रिबेणी गाउँपालिका वडा नं. १ का काजिमान तामाङको घरबाट एक लाख २७ हजार रुपैयाँ चोरी गरेर फरार रहेका दुई जनालाई पक्राउ परेका हुन् ।

 जिल्ला प्रहरी कार्यालय ताप्लेजुङका सूचना अधिकारी एव प्रहरी निरीक्षक बिबेक बस्नेतका अनुसार पक्राउ पर्नेमा झापाको बुद्धशान्ति गाउँपालिका वडा नं. ३ का वर्ष १९ का आकाश राजवंशी र ताप्लेजुङको आठराई त्रिवेणी गाउँपालिका वडा नं १ का वर्ष २० का राजिन भन्ने फुलमान शेर्पा रहेका छन् । 

चोरी गरेको नगद सहित प्रहरीको टोलीले निघुरादिनबाट राजवंशी र शेर्पालाई पक्राउ परिएको हो । जिल्ला अदालत ताप्लेजुङबाट म्याद थप गरि अनुसन्धान अगाडि बढाइएको प्रहरीले जनाएको छ । 

चाड पर्व नजिकिए सँगै आपराधिक गतिविधि बढ्ने भएकाले ताप्लेजुङमा सुरक्षा कडाइ गरिएको जिल्ला प्रहरी कार्यालयले जनाएको छ ।