रेडियो काबेली
ताप्लेजुङ । मेची राजमार्ग अन्तरगत पाँचथरमा रहेको हेंवाखोलाको बेलिव्रिज बाढीले बगाएपछि तत्काल मान्छे हिड्न मिल्ने फड्के बनाउने कार्य तिब्रताका साथ भईरहेको छ । बुधबार (आज) साँझ सम्ममा सक्ने लक्ष्यका साथ बिहान ६ः३० बजेबाट नै काम भई रहेको शशस्त्र प्रहरी बल नेपाल नं. १ हेडक्वाटर कञ्चनजंघा गुल्मका शशस्त्र प्रहरी नायव उपरीक्षक नरेश मर्हजनले जानकारी दिनुभयो ।
उहाँका अनुसार चौडाई ४ फिट र ५३ मिटर लम्बाईको फड्के पुल नेपाली सेनाको रणशेर गण पाँचथरका सेनानी बिमल राउतको टोली, शशस्त्र प्रहरी बल गुल्म नं. २ पाँचथरकाका शशस्त्र प्रहरी निरिक्षक पशुपति पुरीको टोलीले निर्माण गरिरहेको छ । पुल बाढीले बगाएपछि मानिसहरुलाई यात्रा गर्न असहज भएको छ भने विशेष गरि बिरामी, ज्येष्ठ नागरिक, बालबालिका अशक्त महानुभावहरुलाई समस्या भएको छ ।
सडक डिभिजन कार्यालय इलामले डाईभर्सन निर्माण गर्न एकहप्ताको समय लाग्ने बताएपनि हालसम्म डाईभर्सन निर्माण कार्य सुरु नभएको शशस्त्र प्रहरी नायव उपरीक्षक मर्हजनले जानकारी दिनुभयो । हेवाखोलाको पुल बगेपछि ताप्लेजुङ र पाँचथरका याङवरक र हिलिहाङ गाउँपालिका सडक सम्पर्कबाट विच्छेद भएको छ । कतिपयले त्यहँसम्म गाडीमा गएर पैदल हिँड्ने गरेका छन् भने कतिपय ताप्लेजुङकै मैवाखोलाको साँघु, बसन्तपुर हुँदै धरानतर्फ आउजाउ गरेका छन् ।
प्रतिक्रिया