तेल्लोकमा काम गरि रहेको स्काभेटर काबेली खोलामा डुब्यो

रेडियो काबेली

ताप्लेजुङ । जिल्लाको सिरिजंघा गाउँपालिका–४ तेल्लोकमा स्काईभेटर दुर्घटना भएको छ । काबेली खोलामा निर्माणाधिन माथिल्लो काबेली जलविद्युत आयोजनामा काम गरि रहेको बागमति प्रदेश–०१–००४ क २९३० नम्बरको स्काईभेटर आईतबार अनियन्त्रित भई खोलामा डुब्दा दुर्घटना भएको जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक विवेक बस्नेतले जानकारी दिनुभयो ।

उहाँका अनुसार स्काईभेटर चालक सिरिजंघा गाउँपालिका–४ तेल्लोकका वर्ष २४ का निकेश भट्टराई भने सकुशल रहनुभएको छ । अस्थाई प्रहरी चौकी खाख्दिम्बेबाट प्रहरी हवल्दार उमेश उराउको कमाण्डमा प्रहरी परिचालन भई स्काईभेटर खोलाबाट झिक्ने काम भईरहको छ ।

*यस अघि खेबाङ भएकोमा सच्चाईएको छ ।