ताप्लेजुङ । साताको प्रत्येक शुक्रवार बन्द हुँदै आएको ताप्लेजुङ सदरमुकामको फुङलिङ बजार चाडपर्वलाई लक्षित गरी भोलि शुक्रवार देखि खुल्ला हुने भएको छ । ताप्लेजुङ उद्योग वाणिज्य सङ्घले भोलि शुक्रवार देखि कात्तिक १६ गते शुक्रवार सम्म फुङलिङका बजार पसल खुल्ला हुने निर्णय गरेको हो ।
उद्योग वाणिज्य सङ्घका कार्यकारी अधिकृत भीष्मराज बरालका अनुसार कात्तिक २३ गते शुक्रवार देखि फेरि पहिले जस्तै फुङलिङ बजार प्रत्येक साताको शुक्रवार बन्द हुने छ ।
दशैं, तिहार, नेपाल सम्वत् छठ पर्वको अवसर पारेर सेवाग्राहीलाई किनमेलमा सहज होस् भन्ने उद्देश्यले साप्ताहिक रुपमा बन्द हुने बजार पसल भोलिको शुक्रबारबाट खुल्ला गर्न लागिएको ताप्लेजुङ उद्योग वाणिज्य सङ्घले जनाएको छ ।
प्रतिक्रिया