फक्ताङलुङ सवारी दुर्घटनामा घाईते गुरुङको मृत्यु

रेडियो काबेली
ताप्लेजुङ । फक्ताङलुङ गाउँपालिका वडा नं. ३ खेसेवामा पिकअप दुर्घटना हुँदा घाईते हुनु भएकी फक्तालुङ गाउँपालिका वडा नं.३ तावा बस्ने अन्दाजि बर्ष २६ की निर्मला गुरुङको मृत्यु भएको छ । शनिबार दिउँसो सदरमुकाम फुङलिङबाट फक्ताङलुङतर्फ जाँदै गरेको मे १ ज १३६२ नं. को पिकअपलाई बाटो माथिबाट पहिरो संगै आएको ढुङ्गाले लागि दुर्घटना हुदा पिकअपमा सवार गुरुङ घाईते हुनु भएको थियो ।

उहाँलाई जिल्ला अस्पताल ताप्लेजुङमा उपचारका लागि लगिएकोमा ६ः४५ बजे डाक्टरले मृत घोषणा गरेको जिल्ला प्रहरी कार्यालय ताप्लेजुङका सुचना अधिकारी एवं प्रहरि निरिक्षक विवेक वस्नेतले जानकारी दिनुभयो । उहाँका अनुसार घाईते गुरुङको टाउँकोमा चोट लागेको थियो । पिकअप चालक सोही ठाउँका अन्दाजि बर्ष १९ को रुपेश सुनुवार र पिकअप सिवा प्रहरी चौकीमा लगिएको प्रहरीले जनाएको छ