एलिना दियाली
ताप्लेजुङ । अन्तराष्ट्रिय आमन्त्रण ताप्लेजुङ गोल्ड कपको फाइनल खेलको ‘फ्यान अफ दि म्याच’ क्रियाना मादेन हुनुभएको छ । फुङलिङ नगरपालिका–४ की मादेन सोमबार (आज) को खेलमा ‘फ्यान अफ द म्याच’ बन्नु भएको हो । ७ वर्षिया मादेनको फुटबल खेलप्रतिको मोहलाई सम्मान गर्दै ‘फ्यान अफ दि म्याच’ छनोट गरी पुरस्कार प्रदान गरिएको आयोजकले जनाएको छ ।
उहाँलाई आयोजक लाखेजात्रा सञ्चालन समितीका अध्यक्ष देवराज गुरुङले राष्ट्रिय फुटबल टिमका कप्तान तथा गोलरक्षक किरण चेम्जोङले हस्ताक्षर गर्नुभएको बल प्रदान गर्नु भयो । आयोजकले हरेक दिनको खेलमा खेलाडीलाई हौसल प्रदान गर्ने दर्शकलाई ‘फ्यान अफ दि म्याच’ छनोट गर्दै राष्ट्रिय फुटबल टिमका कप्तान तथा गोलरक्षक किरण चेम्जोङले हस्ताक्षर गर्नुभएको बल प्रदान गर्दै आएको थियो ।
आज भएको फाईनल खेलमा सिराहाको सलहेश युवा क्लबलाई १–० गोलले पारजित गर्दै मोरङको सगरमाथा युथ क्लबले उपाधी चुम्न सफल भएको छ ।
प्रतिक्रिया