साहारा लङ्वा लिम्बू
ताप्लेजुङ । ताप्लेजुङ गोल्ड कपको गीत तथा भिडियो सार्वजनिक भएको छ । आज फुङलिङ बजारको सिटिहलमा एक पत्रकार सम्मेलनको आयोजना गरी उक्त ताप्लेजुङ गोल्डकपको गीत तथा भिडियो भएको हो ।
गीतमा ताप्लेजुङका ५ सहित ८ जना गायक गायिकाको स्वरमा रहेको छ । पूर्वकै प्रतिष्ठित गोल्डकपको रुपमा परिचित खेललाई गीत सङ्गीतको माध्यमबाट थप प्रचार प्रसार गर्ने उद्देश्यका साथ गीत तयार पारिएको निर्माणकर्ता तथा गायक महेश सिवाले बताउनुभयो ।
लाखेजात्रा सञ्चालन समितिको समन्वयमा गीत तथा भिडियोलाई विमोचन गरिएको छ । गोल्डकपको आफ्नै गीत समेत तयार भएकाले यसले थप खेलको उचाइलाई बढाउने आयोजकले विश्वास लिएका छन् ।
गीतमा ताप्लेजुङमै जन्मिएका प्रसिद्ध गायकहरू दीपक लिम्बू, पदम राई, भिम लिम्बू, साहिल लिम्बू र सिवा स्वयम्को पनि स्वर रहेको छ । यस्तै गीतमा अन्य चर्चित गायक प्रताप दास, गायिकाहरू रोजिना बस्नेत र ससिका राईले समेत साथ दिएका छन् ।
डिपि खनालको शब्द रहेको गीतमा देवेस राईको संगीत संयोजन रहेको छ । गीतको स्लोगन लाखेजात्रा संचालक समितिका अध्यक्ष देवराज गुरुङको रहेको छ । सेवा रेकर्डिङ स्टुडियोमा रेकर्ड गरिएको गीतको भिडियो दामी क्रिएसनले सम्पादन गरेको हो । यस गीतको भिडियो एसएम इन्टरटेनमेन्ट नाईन्टिन नाईटि सिक्स नामक युट्युब च्यानलबाट सार्वजनिक गरिएको छ ।
गायक सिवाले यसअघि ‘बदनाम भएर’, ‘माया लाउँ कि नलाउँ जस्ता गीत सार्वजनिक गरिसक्नु भएको छ । त्यस्तै उहाँले तत्कालै ‘मायामा जित’ पनि सार्वजनिक गर्ने तयारी गरिरहनु भएको बताईएको छ ।
सार्वजनिक भिडियो
प्रतिक्रिया