ताप्लेजुङ । ताप्लेजुङको मेरिङदेन गाउँपालिका ३ दोभान बजारमा मौरी पालन र उद्यम विकास तालिम सम्पन्न भएको छ । राष्ट्रिय प्रसारण ग्रिड कम्पनी लिमिटेडको आयोजनामा आज दोभान बजारको महिला सहकारी भवनमा उक्त तालिम सम्पन्न भएको हो ।
मेवा९ चाँगे १३२ केभी प्रसारण लाइन आयोजनका प्रभावित सबैलाई उद्यमशील बनाउने उद्देश्यले तालिम सञ्चालन गरिएको राष्ट्रिय प्रसारण ग्रिड लिमिटेड जन सम्पर्क अधिकृत किरण लिङदेनले जानकारी दिनुभएको छ ।
गत १६ गतेबाट सुरु मौरी पालन तालिम विहीबार सम्पन्न भएको थियो भने लघु उद्यम विकास तालिम आज सम्पन्न भएको हो । तालिममा २१ जना उद्यमीहरूको सहभागिता रहेको थियो ।
मौरी पालन सम्बन्धी तालिमको प्रशिक्षण लेखनाथ दाहालले दिनुभएको थियो भने, उद्यम विकास सम्बन्धी तालिम खड्क बहादुर गुरुङले दिनुभएको थियो ।
यस्तै तालिममा सहभागी सबैलाई प्रविधि सामग्री घुम्टी, पन्जा, रानी ढोका र दोभान महिला सहकारी भवन लाई १० वटा कुर्सी वितरण गरिएको छ ।
प्रतिक्रिया