साहारा लङ्वा लिम्बू
ताप्लेजुङ । फुङलिङ नगरपालिकाले आर्थिक वर्ष २०८१/८२ का लागि शिक्षा क्षेत्रमा सबैभन्दा धेरै बजेट विनियोजन गरेको छ । नगर सभाको १६औं अधिवेशनमा बजेट पेश गर्दै नगर उप प्रमुखले शिक्षा क्षेत्रमा ३० करोड ५२ लाख बजेट विनियोजन गर्नुभएको हो ।
यस्तै यातायात तथा पूर्वाधार क्षेत्रमा ८ करोड ९० लाख, स्वास्थ्य क्षेत्रमा ४ करोड २७ लाख, र कृषि तर्फ १ करोड २१ लाख ५५ हजार २६० रुपैयाँ विनियोजन भएको छ ।
भवन आवास तथा शहरी विकास तर्फ ८७ लाख, लैङ्गिक समानता तथा सामाजिक समावेशीकरण तर्फ ७४ लाख, सम्पदा पूर्वाधार तर्फ ४२ लाख र सञ्चार तथा सूचना प्रविधि तर्फ ३६ लाख बजेट विनियोजन गरिएको छ ।
भाषा तथा संस्कृति तर्फ ३५ लाख, जलश्रोत तथा सिँचाइ तर्फ २५ लाख, खानेपानी तथा सरसफाइ क्षेत्रमा २४ लाख ५५ हजार ६ सय ९० रुपैयाँ, पशुपन्छी विकास तर्फ २४ लाख ५० हजार ६६० रुपैयाँ बजेट विनियोजन गरिएको छ ।
युवा तथा खेलकुद तर्फ २३ लाख, उद्योग तर्फ २२ लाख ५० हजार र पर्यटन तर्फ २० लाख रुपैयाँ बजेट विनियोजन भएको छ ।
प्रतिक्रिया