मिक्वाखोलाको गाउँसभा सुरु

ताप्लेजुङ । मिक्वाखोला गाउँपालिकाको १८ औँ गाउँसभा एवंम अधिवेशन सुरु भएको छ । आगामि आर्थिक वर्ष २०८१÷८२ का लागि नीति तथा कार्यक्रम माथि स्थलगत रुपमा सुझाब संकल बुधबार सकेसँगै शुक्रबार (आज) अधिवेशन सुरु गरिएको गाउँपालिका अध्यक्ष भक्त बहादुर कार्कीका स्वकीय सचिव घनेन्द्र थापाले जानकारी दिनुभयो ।

शुक्रबारबाट सुरु भएको गाउँसभा एव्म अधिवेशमा गाउँपालिका अध्यक्ष भक्त बहादुर कार्कीले नीति तथा कार्यक्रम पेश गर्नु भएको छ भने उक्त नीति तथा कार्यक्रम असार ५ गते पारित गरिने पालिकाले जनाएको छ ।

गाउँसभामा अध्यक्ष कार्की, उपाध्यक्ष डण्डु लामा, पालिकाको ५ वटै वडाका जनप्रतिनीधि र पालिकाका विषयगत शाखा प्रमुखहरुको उपस्थिती रहेको छ । शुक्रबारबाट सुरु भएको गाउँसभा असार ५ गते नीति तथा कार्यक्रम पारित गरेसँगै समाप्त हुने स्वकीय सचिव थापाले जानकारी दिनुभयो ।