मेरिङदेनद्धारा स्थायी शिक्षक नियुक्ति भई आएकाहरुलाई स्वागत 

ताप्लेजुङ । ताप्लेजुङको मेरिङदेन गाउँपालिकाले प्राथमिक तह तृतीय श्रेणीको स्थायी शिक्षक नियुक्ति भई आएकाहरुलाई स्वागत गरेको छ । आज एक कार्यक्रमको आयोजना गरी पदस्थापनको लागि मेरिङदेन गाउँपालिकामा पुगेका ८ जना शिक्षकहरूलाई स्वागत गरेको हो । 

प्राथमिक तह तृतीय श्रेणीको स्थायी शिक्षक नियुक्तिका लागि सिफारिस भएका   ७८ जना शिक्षकहरूलाई मंगलबार शिक्षा विकास तथा समन्वय इकाई ताप्लेजुङले नियुक्ति पत्र बितरण गरेको थियो । जसमा मेरिङदेन गाउँपालिकामा ८ जनाको दरबन्दी परेको थियो । 

यस्तै फक्ताङ्लुङ गाउँपालिकामा २१ जना, मैवाखोला गाउँपालिकामा १२ जना, सिरिजङ्गा गाउँपालिका, पाथीभरा याङ्वरक गाउँपालिका र आठराई त्रिबेणी गाउँपालिकामा समान ८–८ जनाको दरबन्दी परेको छ ।

मिक्वाखोला गाउँपालिका र सिदिङ्वा गाउँपालिकामा समान ६–६ जना र फुङलिङ नगरपालिकामा सबैभन्दा कम १ जनाको दरबन्दी परेको  शिक्षा विकास तथा समन्वय इकाई ताप्लेजुङले जनाएको छ ।