ताप्लेजुङ । लामो समय पानी नपर्दा आजित भएका ताप्लेजुङको मिक्वाखोला गाउपालिका खोक्लिङका वासिन्दाले आज बाजागाजा सहित तमोर नदीमा पूजा गरेका छन् । भ्यागुताको विवाह गरे पानी पर्छ भन्ने मान्यता अनुरूप भ्यागुताको विवाह समेत गरेको स्थानीय दिनेश थापाले जानकारी दिएका छन् ।
मिक्वाखोला २ का वडाध्यक्ष झरेन्द्र थापा लगायतका दर्जनौँको सहभागिता रहेको खोला पूजामा नौमती बाजा घन्काइएको थियो भने पानीको आशामा पानी छ्यापा छ्याप पनि गरिएको थियो । बुढापाकादेखि तरुण पुस्ताको सहभागिता रहेको खोला पूजामा मकै छर्न नपाएको र खडेरीले उत्पादनमा रास आएको गुनासो गरेका थिए ।
पानी नपर्दा बन डढेलोका कारण ताप्लेजुङको जनजिवन प्रभावित भएको छ ।
प्रतिक्रिया